ఎంవి పాలెం సమీపంలో పెద్దపులి సంచారం కలకలం?

ఖమ్మం రూరల్ మండలం ఎం వెంకటయ్య పాలెం సమీపంలో పెద్దపులి సంచారం కలకలం రేపింది. గ్రామ సమీపంలోని కంకర మిల్లు వద్ద పనిచేస్తున్న కొందరు వ్యక్తులు పులి సంచరిస్తున్న దృశ్యాలను చూసి ఒక్కసారిగా హడలెత్తిపోయారు. అటువైపుగా ప్రయాణం చేస్తున్న రాజ్యాంగ పరిరక్షణ వేదిక చైర్మన్ సాదిక్ అలీ..

ఖమ్మం రూరల్, అక్టోబ‌ర్ 10 : ఖమ్మం రూరల్ మండలం ఎం వెంకటయ్య పాలెం సమీపంలో పెద్దపులి సంచారం కలకలం రేపింది. గ్రామ సమీపంలోని కంకర మిల్లు వద్ద పనిచేస్తున్న కొందరు వ్యక్తులు పులి సంచరిస్తున్న దృశ్యాలను చూసి ఒక్కసారిగా హడలెత్తిపోయారు. అటువైపుగా ప్రయాణం చేస్తున్న రాజ్యాంగ పరిరక్షణ వేదిక చైర్మన్ సాదిక్ అలీ కారును ఆపిన వ్యక్తులు పులి సంచారంపై అతడికి తెలిపి ఆందోళనకు గురయ్యారు. తాము పని చేస్తున్న కొద్ది ప్రదేశానికి దూరంలో చాడి చప్పుడు లేకుండా పులి అటువైపుగా వెళ్లడం చూశామని, కాల్వ దాటి కంకర మిల్లు సమీపంలోని గుట్టలోకి ప్రవేశించిందని వారు పేర్కొన్నారు. అయితే చాలా జాగ్రత్తగా, అప్రమత్తంగా ఉండాలని సాదిక్ సూచించారు. ఒంటరిగా ప్రయాణం చేయవద్దని గుంపులు గుంపులుగా ప్రయాణం సాగించాలని కార్మికులకు తెలిపారు. సంబంధిత అధికారులు క్షేత్రస్థాయిలో ఆ ప్రదేశాన్ని పరిశీలిస్తే అసలు అక్కడ పులి సంచరించిందా, మరి ఇతర జీవా అనేది తెలియాల్సి ఉంది.