నరేష్ మృతికి బీఆర్‌ఎస్ నాయకుల సంతాపం

నరేష్ ఇటీవల మృతి చెందడంతో ఆదివారం సంతాప సభ నిర్వహించారు. ఈ కార్యక్రమానికి బీఆర్‌ఎస్ జిల్లా నాయకుడు ముత్యాల వెంకట అప్పారావు హాజరై నరేష్ చిత్రపటానికి పూలమాల వేసి ఘనంగా నివాళులర్పించారు.

కారేపల్లి,అక్టోబర్ 25 : ఖమ్మం జిల్లా కారేపల్లి మండల పరిధిలోని విశ్వనాథపల్లి గ్రామపంచాయతీ పరిధి కారేపల్లి క్రాస్‌రోడ్డుకు చెందిన గుగులోతు నరేష్ ఇటీవల మృతి చెందడంతో ఆదివారం సంతాప సభ నిర్వహించారు. ఈ కార్యక్రమానికి బీఆర్‌ఎస్ జిల్లా నాయకుడు ముత్యాల వెంకట అప్పారావు హాజరై నరేష్ చిత్రపటానికి పూలమాల వేసి ఘనంగా నివాళులర్పించారు. అనంతరం నరేష్ తండ్రి వీరన్నను,కుటుంబ సభ్యులను పరామర్శించి ఓదార్చారు. నరేష్ మృతి పట్ల సంతాపం వ్యక్తం చేస్తూ కుటుంబ సభ్యులకు ప్రగాఢ సానుభూతి తెలిపారు.

ఈ కష్ట సమయంలో కుటుంబ సభ్యులు ధైర్యంగా ఉండాలని సూచించారు. ఈ కార్యక్రమంలో మాజీ వార్డు సభ్యులు సిద్ధంశెట్టి చిన్న నాగయ్య, గూగుల్ రవి, బీఆర్ఎస్ పార్టీ గ్రామ శాఖ అధ్యక్షుడు షేక్ ఖాజావలి, సురభి సాగర్, షేక్ యాకుబ్ పాషా, రాజు తదితరులు పాల్గొన్నారు.