Rekonda | మోడల్ గ్రామం రేకొండలో సోలార్ ప్యానల్ ఏర్పాటు

చిగురుమామిడి మండలంలోని రేకొండ గ్రామాన్ని మోడల్ సోలార్ విలేజ్ గా ఎంపిక చేయడంలో భాగంగా సోమవారం విద్యుత్ సిబ్బంది సోలార్ ప్యానల్ ను పెద్దమ్మ పల్లెలో ఏర్పాటు చేశారు.

Rekonda | చిగురుమామిడి, ఫిబ్రవరి 2 : చిగురుమామిడి మండలంలోని రేకొండ గ్రామాన్ని మోడల్ సోలార్ విలేజ్ గా ఎంపిక చేయడంలో భాగంగా సోమవారం విద్యుత్ సిబ్బంది సోలార్ ప్యానల్ ను పెద్దమ్మ పల్లెలో ఏర్పాటు చేశారు. గ్రామంలో ఇప్పటికే ఇంటింటా సర్వే చేపట్టున్నామని, 1200 వరకు గ్రామంలో సోలార్ ప్యానెల్ లు అవసరం ఉంటాయని మొదటి విడతగా 24 ఏర్పాటు చేస్తున్నట్లు సర్పంచ్ అల్లెపు సంపత్, కార్యదర్శి అజయ్ కుమార్ తెలిపారు.

త్వరలోనే అన్ని ప్రాంతాల్లో సోలార్ ప్యానల్ ను ఏర్పాటు చేసి మోడల్ సోలార్ గ్రామంగా ఏర్పాటు చేస్తామని తెలిపారు. ఇక్కడ వార్డు సభ్యులు కారంపూరి తార, చెంచల నాగరాజు, జిలకల అజయ్, కాసాని సతీష్, గ్రామస్తులు గాజపాక సునీల్, కారంపూరి వెంకటేశం, పిట్టల వెంకటరాజం, మాడమల్లారెడ్డి, బండోజు సదానంద చారి తదితరులు ఉన్నారు.