Taiwan: తైవాన్ అధ్య‌క్షుడిగా విలియ‌మ్ ల‌యి ప్ర‌మాణ స్వీకారం

Taiwan: తైవాన్ నూత‌న అధ్య‌క్షుడిగా విలియ‌మ్ ల‌యి ఇవాళ బాధ్య‌త‌లు స్వీక‌రించారు. త‌మ దేశంపై సైనిక చ‌ర్య‌ల‌ను చైనా నిలిపివేయాల‌ని ఆయ‌న తన తొలి ప్ర‌సంగంలో కోరారు. ఈ ఏడాది జ‌న‌వ‌రిలో జ‌రిగిన ఎన్నిక‌ల్లో ఆయ‌న విక్ట‌రీ సాధించారు. చైనా క‌వ్వింపు చ‌ర్య‌లు ప్ర‌పంచ శాంతి, సుస్థిర‌త‌కు అతిపెద్ద స‌వాల్‌గా మారుతున్న‌ట్లు ఆయ‌న తెలిపారు.

తైపి: తైవాన్(Taiwan) నూత‌న అధ్య‌క్షుడిగా విలియ‌మ్ ల‌యి ఇవాళ బాధ్య‌త‌లు స్వీక‌రించారు. త‌మ దేశంపై సైనిక చ‌ర్య‌ల‌ను చైనా నిలిపివేయాల‌ని ఆయ‌న తన తొలి ప్ర‌సంగంలో కోరారు. ఈ ఏడాది జ‌న‌వ‌రిలో జ‌రిగిన ఎన్నిక‌ల్లో ఆయ‌న విక్ట‌రీ సాధించారు. చైనా క‌వ్వింపు చ‌ర్య‌లు ప్ర‌పంచ శాంతి, సుస్థిర‌త‌కు అతిపెద్ద స‌వాల్‌గా మారుతున్న‌ట్లు ఆయ‌న తెలిపారు. అయితే తైవాన్ భూభాగం త‌మ‌దే అని చైనా చెబుతున్న విష‌యం తెలిసిందే. ఆ దేశంపై ప‌దేప‌దే చైనా త‌మ మిలిట‌రీ స‌త్తాను వాడుతోంది.

తైపిలో ఉన్న ప్రెసిడెన్షియ‌ల్ ఆఫీసు బిల్డింగ్‌లో వేలాది మంది ప్ర‌జ‌ల స‌మ‌క్షంలో ప్ర‌మాణ స్వీకారం జ‌రిగింది. ప్ర‌మాణ‌స్వీకారోత్స‌వం త‌ర్వాత మిలిట‌రీ మార్చ్‌నిర్వ‌హించారు. ఫోక్ క‌ళాకారులు కూడా ప్ర‌ద‌ర్శ‌న ఇచ్చారు. తైవాన్ జాతీయ జెండాతో మిలిట‌రీ హెలికాప్ట‌ర్లు ఫ్లా పాస్ట్ నిర్వ‌హించాయి.
తైవాన్‌లో వైభ‌వోపేత ప్ర‌జాస్వామ్యం ఆస‌న్న‌మైంద‌ని ల‌యి తెలిపారు. ప్ర‌జాస్వామ్యం, శాంతి, సౌభ్రాతృత్వం తైవాన్‌లో భాగ‌మ‌న్నారు. త‌మ దేశం మాన‌వ హ‌క్కుల సూచీలో మెరుగు సాధించింద‌న్నారు.

తైవాన్‌పై రాజ‌కీయంగా, మిలిట‌రీప‌రంగా బెదిరింపులు ఆపాల‌ని చైనాను ఆయ‌న కోరారు. అధ్య‌క్షుడు విలియ‌మ్ ల‌యి, ఉపాధ్య‌క్షులు సియా బి ఖిమ్ .. స్టేజ్‌పై డ్యాన్స్ చేశారు. పాట‌లు కూడా పాడారు.