Viral video | కేన్స్‌ ఫిలిం ఫెస్టివల్‌లో మెరిసిన అందాల భామ ఊర్వశి రౌటెలా.. మొసళ్ల నెక్లెస్‌తో రెడ్‌ కార్పెట్‌పై ప్రత్యక్షం

Urvashi Rautela | కేన్స్ ఫిలిం ఫెస్టివల్ - 2023లో అందాల భామ ఊర్వశి రౌటెలా స్టన్నింగ్ లుక్స్‌తో అభిమానులను అలరించింది. పింక్‌ డ్రెస్‌లో ఓ దేవకన్యలా మెరిసిపోయింది. ఊర్విశి తన అందంతో అలరించిన విషయం కాసేపు పక్కన పెడితే.. ఈ సందర్భంగా ఆమె తన మెడలో ధరించిన మొసళ్ల నెక్లెస్‌ ప్రత్యేక ఆకర్షణగా నిలిచి అందరినీ ఆకట్టుకుంది.

May 17, 2023 / 04:53 PM IST

Viral video | కేన్స్‌ ఫిలిం ఫెస్టివల్‌లో మెరిసిన అందాల భామ ఊర్వశి రౌటెలా.. మొసళ్ల నెక్లెస్‌తో రెడ్‌ కార్పెట్‌పై ప్రత్యక్షం

Urvashi Rautela : కేన్స్ ఫిలిం ఫెస్టివల్ – 2023 వేడుకలు అట్టహాసంగా ప్రారంభమయ్యాయి. భారత్ నుంచి పలువురు సెలెబ్రిటీలు ఈ వేడుకలకు హాజరయ్యారు. తొలిసారిగా పలువురు బాలీవుడ్ భామలు కేన్స్‌ రెడ్ కార్పెట్‌పై దర్శనమిచ్చారు. అందాల భామ ఊర్వశి రౌటెలా స్టన్నింగ్ లుక్స్‌తో అభిమానులను అలరించింది. పింక్‌ డ్రెస్‌లో ఓ దేవకన్యలా మెరిసిపోయింది. ఊర్విశి తన అందంతో అలరించిన విషయం కాసేపు పక్కన పెడితే.. ఈ సందర్భంగా ఆమె తన మెడలో ధరించిన మొసళ్ల నెక్లెస్‌ ప్రత్యేక ఆకర్షణగా నిలిచి అందరినీ ఆకట్టుకుంది.

ఎందుకంటే ఎప్పుడూ తన ప్రత్యేకతను చాటుకునే ఆ అందాల భామ ధరించిన నెక్లెస్‌లో ఉన్నది సాధారణ డిజైన్‌ కాదు. గతంలో మనం ఎన్నడూ చూడని ప్రత్యేక డిజైన్‌. బంగారు మొసళ్లతో ఆ నెక్లెస్‌ను డిజైన్‌ చేశారు. రెండు మొసళ్లను మెడలో వేలాడేసుకున్నట్లుగా ఆ నెక్లెస్‌ ఉన్నది. ఆ నెక్లెస్‌కు మ్యాచింగ్‌ ఇయర్‌ రింగ్స్‌ను కూడా ఊర్వశి ధరించింది. ఈ ఫెస్టివల్‌కు సంబంధించిన తన ఫొటోలు, వీడియోలను ఊర్వశి తన ఇన్‌స్టాగ్రామ్‌లో పోస్టు చేసింది. ఆ పోస్టుకు 76వ కేన్స్‌ ఫిలిం ఫెస్టివల్‌ రెడ్‌ కార్పెట్‌ ఓపెనింగ్‌ అనే క్యాప్షన్‌ ఇచ్చింది.

అయితే, ఆ అందాల రాశి ధరించిన మొసళ్ల నెక్లెస్‌పై నెటిజన్‌ల నుంచి రకరకాల కామెంట్లు వస్తున్నాయి. మెడలో ఉన్న ఆ మొసలి బతికి వస్తే ఫొటోషూట్ వదిలేసి పారిపోతావా..? అని ఓ యూజర్‌ కామెంట్‌ చేశాడు. అమ్మో ఈ నెక్లెస్ చాలా భయంకరంగా ఉంది అని మరో యూజర్ స్పందించాడు. కేన్స్‌లో ఊర్వశి హిస్టరీ క్రియేట్ చేసిందని ఇంకో యూజర్‌ ప్రశంసించాడు. గ్రేట్ లుక్ అని, ఫ్యాబులస్ అని, బ్యూటీఫుల్ అని ఇలా రకరకాలుగా మరికొందరు యూజర్స్‌ కామెంట్స్‌ పెట్టారు. ఆ వైరల్‌ దృశ్యాలపై మీరు కూడా ఓ లుక్కేయండి..