ఇస్తాంబుల్: టర్కీలో మేఘాలు అక్కడ ప్రజల్ని థ్రిల్ చేశాయి. బుర్సా పట్టణంలో యూఎఫ్వో(అన్ఐడెంటిఫైడ్ ఫ్లయింగ్ ఆబ్జెక్ట్) తరహాలో మేఘాలు అల్లుకున్నాయి. దీంతో అక్కడ ప్రజలు సంబరమాశ్చర్యంలో తేలిపోయారు. దాదాపు గంట సేపు ఆ మబ్బులు యూఎఫ్వో తరహాలో ఉండిపోయాయి. ఆకాశంలో కనిపించిన ఆ అద్భుతాన్ని స్థానికులు తమ సెల్ఫోన్లలో బంధించారు.
సూర్యోదయం సమయంలో మేఘాలు యూఎఫ్వో తరహాలో దర్శనమిచ్చాయి. టర్కీ శాస్త్రవేత్తలు ఆ అద్భుతాన్ని లెంటిక్యులర్ మేఘాలుగా తేల్చారు. కంటి అద్దాల తరహాలో ఆ మేఘం ఏర్పడినట్లు పేర్కొన్నారు. కానీ ఇంటర్నెట్లో మాత్రం అదో యూఎఫ్వో అన్నట్లు యూజర్లు రియాక్ట్ అయ్యారు. యూఎఫ్వో మేఘానికి చెందిన వీడియో ఒకటి వైరల్ కూడా అవుతోంది.
సాధారాణంగా లెంటిక్యులర్ క్లౌడ్లు భూమికి సుమారు 2వేల నుంచి 5 వేల మీటర్ల ఎత్తులో ఏర్పడుతాయి. శీతాకాలంలో కొండలు, పర్వత ప్రాంతాల్లో బలమైన గాలుల్లో జరిగే మార్పుల వల్ల లెంటిక్యులర్ మేఘాలు ఏర్పడుతాయని భావిస్తున్నారు.