కెంటకీ: అమెరికాలో రెండు ఆర్మీ హెలికాప్టర్లు(army helicopters) ఢీకొని కూలిన ఘటనలో పలువురు మృతిచెందారు. కెంటకీ(kentuky)లోని ఫోర్ట్ క్యాంప్బెల్ మిలిటరీ బేస్లో ఈ ఘటన జరిగింది. రెండు బ్లాక్హాక్(blackhawk) హెలికాప్టర్లు కూలిన ఘటనలో కనీసం 9 మంది మృతిచెంది ఉంటారని అంచనా వేస్తున్నారు. స్థానిక కాలమానం ప్రకారం రాత్రి 9 గంటల సమయంలో ఈ ప్రమాదం జరిగింది. ట్రిగ్ కౌంటీ ఏరియాలో ప్రమాదం జరిగినట్లు అధికారులు చెప్పారు.
రొటీన్ శిక్షణ(routine training) సమయంలో హెచ్హెచ్60 బ్లాక్హాక్ హెలికాప్టర్లు క్రాష్ అయినట్లు అమెరికా ఆర్మీ ప్రతినిధి తెలిపారు. రెండు హెలికాప్టర్లు ఢీకొన్నాయా అని అడిగిన ప్రశ్నకు.. అధికారి బదులిస్తూ ఇప్పుడు ఆ విషయాన్ని చెప్పలేమన్నారు. ఈ ప్రమాదం పట్ల దర్యాప్తు చేపట్టినట్లు వెల్లడించారు.