బెర్లిన్, మే 12: పాలపుంతలో దాక్కొని ఉన్న బ్లాక్ హోల్ సేగిట్టేరియస్ ఏ* చిత్రాన్ని ఖగోళ శాస్త్రవేత్తలు మొట్టమొదటిసారి విడుదల చేశారు. ఇది భూమికి 27వేల కాంతి సంవత్సరాల దూరంలో ఉంది. సూర్యుడి కంటే 40 లక్షల రెట్లు బరువైనది. ఈవెంట్ ఒరైజాన్ టెలిస్కోపు(ఈహెచ్టీ) కొలాబరేషన్ శాస్త్రవేత్తల బృందం ఈ చిత్రాన్ని రూపొందించింది. ఇందు కోసం ప్రపంచవ్యాప్తంగా ఉన్న రేడియో టెలిస్కోపుల నెట్వర్క్ సాయంతో ఐదేండ్ల పాటు ఈ బ్లాక్ హోల్ను పరిశీలించింది. ఈహెచ్టీ శాస్త్రవేత్తల బృందం 2019లో మొట్టమొదటిసారిగా ఎం87* బ్లాక్హోల్ చిత్రాన్ని రూపొందించింది. సేగిట్టేరియస్ ఏ* బ్లాక్ హోల్ వివరాలను ఆస్ట్రోఫిజికల్ జర్నల్ లెటర్స్లో ప్రచురించారు.