కీవ్: మూడో ప్రపంచ యుద్ధం జరగబోదని ఉక్రెయిన్ అధ్యక్షుడు జెలెన్స్కీ తెలిపారు. గోల్డెన్ గ్లోబ్ అవార్డు వేడుకల్లో జెలెన్స్కీ వర్చువల్గా మాట్లాడారు. ప్రస్తుతం రష్యా, ఉక్రెయిన్ మధ్య యుద్ధం కొనసాగుతున్న విషయం తెలిసిందే. మొదటి ప్రపంచ యుద్ధంలో లక్షలాది మంది చనిపోయారని, రెండో ప్రపంచ యుద్దంలోనూ లక్షలాది మంది ప్రాణాలు కోల్పోయారని, మూడో ప్రపంచ యుద్ధం జరగదని, ఇదేమీ ట్రయాలజీ కాదు అని జెలెన్స్కీ అన్నారు. రష్యా దూకుడును ఉక్రెయిన్ తమ నేలపై అడ్డుకుంటుందని ఆయన అన్నారు. ఉక్రెయిన్లో యుద్ధం ఆగిపోలేదని, కానీ అక్కడ పరిస్థితులు మలుపు తిరుగుతున్నట్లు జెలెన్స్కీ తెలిపారు.