కాబూల్, డిసెంబర్ 3: అఫ్గానిస్థాన్లో మహిళలపై పలువిధాల ఆంక్షలు విధిస్తున్న తాలిబన్లు తాజాగా వారికి అనుకూలమైన ఓ కీలక నిర్ణయం తీసుకున్నారు. దేశంలో మహిళలకు బలవంతంగా వివాహాలు చేయడాన్ని నిషేధిస్తూ తాలిబన్ ప్రభుత్వం శుక్రవారం ఆదేశాలు జారీచేసింది. అఫ్గాన్లో తమ ప్రభుత్వాన్ని అభివృద్ధి చెందిన దేశాలతో గుర్తింపజేసుకోవడంతో పాటు ఆయా దేశాల నుంచి మునుపటి విధంగా ఆర్థిక సాయాన్ని పొందే ఎత్తుగడలో భాగంగా తాలిబన్ ప్రభుత్వం తీసుకున్న తాజా నిర్ణయం కనిపిస్తున్నదని విశ్లేషకులు అభిప్రాయపడుతున్నారు. అయితే తాలిబన్లు జారీచేసిన ఆదేశాల్లో వివాహానికి కనీస వయసును పేర్కొనలేదు. అంతుకుముందు ఇది 16 ఏండ్లుగా ఉండేది.