అమెరికా విమానంలో పాము.. షాకైన ప్రయాణికులు

snake in plane:విమానంలో పాము కనిపించడంతో.. దాంట్లో ప్రయాణిస్తున్న ప్రయాణికులు ఆందోళనకు గురైయ్యారు. ఈ ఘటన అమెరికాలోని నివార్క్‌ లిబర్టీ అంతర్జాతీయ ఎయిర్‌పోర్ట్‌లో జరిగింది. ఫ్లోరిడాలోని టంపా సిటీ నుంచి న్యూజెర్సీకి వచ్చిన విమానంలో ఓ పాము ప్రయాణికులకు టెన్షన్‌కు గురిచేసింది. నివార్క్‌ విమానాశ్రయంలో ల్యాం

న్యూజెర్సీ: విమానంలో పాము కనిపించడంతో.. దాంట్లో ప్రయాణిస్తున్న ప్రయాణికులు ఆందోళనకు గురైయ్యారు. ఈ ఘటన అమెరికాలోని నివార్క్‌ లిబర్టీ అంతర్జాతీయ ఎయిర్‌పోర్ట్‌లో జరిగింది. ఫ్లోరిడాలోని టంపా సిటీ నుంచి న్యూజెర్సీకి వచ్చిన విమానంలో ఓ పాము ప్రయాణికులను టెన్షన్‌కు గురిచేసింది. నివార్క్‌ విమానాశ్రయంలో ల్యాండ్‌ అయిన సమయంలో బిజినెస్‌ క్లాస్‌లో ఆ పాము కనిపించింది. అప్పుడు దాంట్లో ఉన్న ప్రయాణికులు ఆందోళనకు గురయ్యారు.

యునైటెడ్‌ ఫ్లయిట్‌ 2038 విమానంలో ఆ సర్పం దర్శనమిచ్చింది. అయితే విమానాశ్రయంలో ఉండే వైల్డ్‌లైఫ్‌ ఆపరేషన్స్‌ సిబ్బంది ఆ పామును పట్టుకున్నది. దాన్ని గార్టర్‌ స్నేక్‌గా గుర్తించారు. ఆ పామును సమీప అడవుల్లో వదిలేశారు. పాము వల్ల ఎవరికీ గాయం కాలేదని, విమాన ఆపరేషన్స్‌కు కూడా ఎటువంటి సమస్య రాలేదని నివార్క్‌ విమానాశ్రయం ఓ ప్రకటనలో తెలిపింది.

విమానం ల్యాండ్ అయిన తర్వాత ట్యాక్సింగ్ చేస్తున్నప్పుడు బిజినెస్‌ క్లాస్‌లో కూర్చున్న ప్రయాణికులు ఆ పామును గుర్తించారు. టెన్షన్‌కు గురైన ప్యాసింజెర్లు కాళ్లను పైకిఎత్తి సీట్లపైకి వెళ్లిపోయారు. విమాన సిబ్బంది వైల్డ్‌లైఫ్‌ ఆపరేషన్స్‌కు సమాచారం ఇచ్చారు. పామును పట్టుకున్న తర్వాతే ప్రయాణికుల విమానం నుంచి దిగారు. ఆ తర్వాత లగేజీలను కూడా దించారు.

గార్టర్‌ పాములు ఫ్లోరిడాలో చాలా ఎక్కువగా కనిపిస్తుంటాయి. అవి విషసర్పాలు కావు. సుమారు 18 నుంచి 26 ఇంచు పొడుగు ఉంటాయి. న్యూజెర్సీలోనూ ఇలాంటి సర్పాలు అధికంగా ఉంటాయని తెలుస్తోంది.