ఇండ్ల‌పై కూలిన విమానం.. ఇద్ద‌రు మృతి

లాస్ ఏంజిల్స్‌: అమెరికాలోని కాలిఫోర్నియా రాష్ట్రంలో ఓ చిన్న‌పాటి విమానం ప్ర‌మాదానికి గురైంది. శాన్ డియాగో శివారు ప్రాంతంలో ఉన్న సాంటీ నివాస గృహాల‌పై ఆ విమానం నేల‌కూలింది. ఈ ఘ‌ట‌న‌లో ఇద్ద‌రు మృతిచెందారు. ట్విన్ ఇంజిన్ సెస్‌నా 340 విమానం కూలిన‌ట్లు అధికారులు చెప్పారు. ఆరిజోనాలోని యుమా నుంచి ఈ విమానం టేకాఫ్ అయ్యింది. విమానం కూలిన ప్ర‌దేశంలో ఓ ట్ర‌క్కు కూడా ద‌గ్ధం అయిన దృశ్యాలు క‌నిపించాయి. విమాన శిథిలాల‌కు సంబంధించిన ఎటువంటి ఆన‌వాళ్లు లేవు. కొన్ని ఇళ్లు ఆ విమాన ప్రమాదం వ‌ల్ల కాలిబూడిద‌య్యాయి. ప్ర‌మాదంలో ఇద్ద‌రు గాయ‌ప‌డ్డారు. కూలిన ప్ర‌దేశంలో ఓ స్కూల్ ఉంది. సంత‌నా హై స్కూల్‌లో విద్యార్థులు అంతా సుర‌క్షితంగా ఉన్న‌ట్లు తెలిపారు.