కోలుకుంటున్న సల్మాన్‌ రష్దీ.. వెంటీలేటర్‌ తొలగించిన వైద్యులు

Salman Rushdie | కత్తిదాడికి గురైన ప్రముఖ రచయిత సల్మాన్‌ రష్దీ క్రమంగా కోలుకుంటున్నారు. శుక్రవారం న్యూయార్క్‌లో ఓ సమావేశానికి హాజరైన ఆయనపై ఓ వ్యక్తి దాడికి పాల్పడ్డాడు.

న్యూయార్క్‌: కత్తిదాడికి గురైన ప్రముఖ రచయిత సల్మాన్‌ రష్దీ (Salman Rushdie) క్రమంగా కోలుకుంటున్నారు. శుక్రవారం న్యూయార్క్‌లో ఓ సమావేశానికి హాజరైన ఆయనపై ఓ వ్యక్తి దాడికి పాల్పడ్డాడు. తీవ్రంగా గాయపడిన ఆయనను పోలీసులు దవాఖానకు తరలించారు. ఆరోగ్యం విషమంగా ఉండటంతో వెంటీలేటర్‌పై ఉంచి చికిత్స అందిస్తున్నారు. అయితే రష్దీ క్రమంగా కోలుకుంటుండంతో వైద్యులు వెంటీలేటర్‌ తొలగించారని ఆయన ఏజెంట్‌ అండ్య్రూ వైలీ తెలిపారు. ప్రస్తుతం మాట్లాడుతున్నారని చెప్పారు. అయితే బుకర్‌ ప్రైజ్‌ విజేత ఆరోగ్య పరిస్థితికి సంబంధించిన పూర్తి వివరాలు వెల్లడించడానికి వైలీ నిరాకరించారు.

కాగా, మెడపై దాడిచేయడంతో సల్మాన్‌ రష్దీ ఒక కన్ను కోల్పోయే ప్రమాదం ఉన్నదని వైద్యులు వెల్లడించారు. భుజం నరాలు దెబ్బతిన్నాయని, కాలేయానికి కత్తిగాయాలు అయ్యాయని, చేతి నరాలు తెగిపోయాయని డాక్టర్లు వెల్లడించారు.