Moscow Terror Attack | మాస్కో ఉగ్రదాడిలో ఉక్రెనియన్ల పాత్రను దాస్తున్న అమెరికా.. ఆరోపించిన రష్యా

రష్యా రాజధాని మాస్కోలో జరిగిన ఉగ్రదాడిలో (Moscow Terror Attack) ఉక్రెనియన్ల పాత్ర ఉన్నట్లు రష్యా (Russia) అనుమానం వ్యక్తంచేస్తున్నది. దాడికి సంబంధించి ముందే హెచ్చరించామని చెప్పిన అమెరికా.. అందులో ఉక్రేనియన్ల పాత్రకు సంబంధించిన విషయాన్ని దాచిపెడుతున్నదని ఆరోపించింది.

మాస్కో: రష్యా రాజధాని మాస్కోలో జరిగిన ఉగ్రదాడిలో (Moscow Terror Attack) ఉక్రెనియన్ల పాత్ర ఉన్నట్లు రష్యా (Russia) అనుమానం వ్యక్తంచేస్తున్నది. దాడికి సంబంధించి ముందే హెచ్చరించామని చెప్పిన అమెరికా.. అందులో ఉక్రేనియన్ల పాత్రకు సంబంధించిన విషయాన్ని దాచిపెడుతున్నదని ఆరోపించింది. మాస్కోలోని క్రాకస్‌ సిటీ కన్సర్ట్‌ హాల్‌లో చొరబడిన దుండగులు విచక్షణా రహితంగా కాల్పులు జరిపిన విషయం తెలిసిందే. ఈ దాడిలో 60 మందికిపైగా చనిపోగా, మరో 100 మంది గాయపడ్డారు. దాడిచేసింది తామేనని ఐసిస్‌ (ISIS) ప్రకటించింది.

కాగా, ఉగ్రదాడి జరిగే అకాశం ఉందని నెల రోజుల క్రితమే రష్యాను హెచ్చరించినట్లు అమెరికా ప్రకటించింది. ఇదే విషయమై జాతీయ సెక్యూరిటీ కౌన్సిల్‌ అధికార ప్రతినిధి జాన్‌ కిర్బీ మాట్లాడుతూ.. దాడికి సంబంధిచిన చిత్రాలు హృదయవిదారకంగా ఉన్నాయని చెప్పారు. ఇది తమను షాక్‌కు గురిచేసిందన్నారు. అయితే దాడిలో ఉక్రెయినియన్లు పాలుపంచుకున్నారాని మీడియా ప్రతినిథులు అడిగిన ప్రశ్నకు ఆయన సమాధానం దాటవేశారు. కాల్పుల్లో ఉక్రెయిన్‌ లేదా ఆదేశ పౌరుల పాత్ర ఉన్నట్లు ప్రస్తుతానికి తమవద్ద ఎలాంటి సమాచారం లేదన్నారు. అయితే ఈ దాడిలో ఉక్రేనియన్ల పాత్రను అమెరికా దాచిపెడుతున్నదని రష్యా ఆరోపించింది.