Visit:
UK Migrant Rules : యునైటెడ్ కింగ్డమ్ (United Kingdom) లో శాశ్వత నివాసం కోరే వలసదారులకు నిబంధనలు (Migrant Rules) కఠినతరం కానున్నాయి. ఈ విషయాన్ని యూకే హోంశాఖ మంత్రి (UK Home Minister) షబానా మహమూద్ (Shabana Mahamood) సూచనప్రాయంగా వెల్లడించారు. మంత్రి వెల్లడించిన ప్రకారం.. యూకేలో ‘శాశ్వత నివాస అనుమతి’ కోసం దరఖాస్తు చేసుకోవాలంటే అక్కడ ఐదేళ్లు ఆవాసం ఉండి ఉండాలి. ఇప్పుడు ఆ ఐదేళ్ల గడువును పదేళ్లకు పెంచేందుకు ప్లాన్ చేస్తున్నారు.
మరికొందరికి ఈ వ్యవధిని 20 ఏళ్లకు పెంచే అవకాశాలు కన్పిస్తున్నాయి. అదేవిధంగా యూకే వీసా అర్హత నిబంధనలను కూడా కఠినతరం చేయనున్నారు. ఆ నిబంధనల ప్రకారం వలసదారులకు నేర చరిత్ర లేకుండా ఉండాలి. గత మూడు సంవత్సరాలుగా ఏటా 12,570 పౌండ్ల కంటే ఎక్కువ ఆర్జిస్తూ ఉండాలి.
