Viral video | అందమైన మగువలతోపాటే రెడ్‌ కార్పెట్‌పై బొద్దింక ర్యాంప్‌ వాక్‌ అదుర్స్‌.. మెట్‌ గాలా-2023లో స్పెషల్‌ అట్రాక్షన్..!

Viral video | ఐకానిక్ ఫ్యాషన్ ఈవెంట్ అయిన మెట్ గాలా-2023 (Met Gala-2023)లో అందమైన మగువలతోపాటు ఓ బొద్దింక (Cockroach) కూడా ర్యాంప్‌ వాక్‌ చేసి అదరగొట్టింది. దాంతో ఈ ఈవెంట్‌కు హాజరైన ఎందరో అందాల తారల మాదిరిగానే బొద్దింక కూడా ప్రత్యేక ఆకర్షణగా నిలిచింది.

న్యూయార్క్‌: ఐకానిక్ ఫ్యాషన్ ఈవెంట్ అయిన మెట్ గాలా-2023 (Met Gala-2023)లో అందమైన మగువలతోపాటు ఓ బొద్దింక (Cockroach) కూడా ర్యాంప్‌ వాక్‌ చేసి అదరగొట్టింది. దాంతో ఈ ఈవెంట్‌కు హాజరైన ఎందరో అందాల తారల మాదిరిగానే బొద్దింక కూడా ప్రత్యేక ఆకర్షణగా నిలిచింది. వివరాల్లోకి వెళ్తే.. గత సోమవారం (మే 1వ తేదీ) న్యూయార్క్‌లోని మెట్రోపాలిటన్ మ్యూజియం ఆఫ్ ఆర్ట్‌లో ఐకానిక్ ఫ్యాషన్ ఈవెంట్ మెట్ గాలా-2023 జరిగింది. ప్రపంచవ్యాప్తంగా ఫ్యాషన్ ప్రపంచానికి సంబంధించిన ప్రముఖులు ఈ ఈవెంట్‌లో పాల్గొన్నారు.

మన దేశం నుంచి కూడా పలువురు బాలీవుడ్ స్టార్స్ ఈ ఈవెంట్‌కు హాజరయ్యారు. వరల్డ్ క్లాస్ టాప్ సెలెబ్రిటీస్ అంతా తమతమ అద్భుతమైన అవుట్ ఫిట్స్ తో చూపరులకు కనువిందు చేశారు. కోట్ల విలువ చేసే దుస్తులు ధరించి ర్యాంప్ వాక్ చేస్తూ కెమెరాలకు ఫోజులిచ్చారు. కళ్లు మిరిమిట్లు గొలిపే తెల్ల రంగు గౌన్ ధరించిన బాలీవుడ్ బ్యూటీ ఆలియా భట్ ఈవెంట్‌కు స్పెషల్ అట్రాక్షన్‌గా నిలిచింది.

అంగరంగ వైభవంగా జరిగిన ఈ ఫ్యాషన్‌ ఈవెంట్‌లోకి అనుకోని అతిథి ప్రవేశించి అందరిని ఆశ్చర్యపర్చింది. ఆ అతిథే ఓ బొద్దింక. అవును బొద్దింకనే. అందమైన సెలెబ్రిటీలు అంతా ర్యాంప్‌ వాక్‌ చేస్తుంటే.. ఎక్కడి నుంచి వచ్చిందోగానీ ఓ బొద్దింక రెడ్‌ కార్పెట్‌పై ప్రత్యక్షమైంది. రెడ్‌ కార్పెట్‌పై వంకరటింకరగా తిరుగుతూ చివరికి మెట్లెక్కి స్టేజీ పైకి వెళ్లిపోయింది. ఈ అసక్తికర మూవ్‌మెంట్స్‌ను అక్కడే ఉన్న కెమెరా మెన్స్‌ తమ కెమెరాల్లో బంధించారు.

బొద్దింక చేసిన ఆ ర్యాంప్‌ వాక్‌కు సంబంధించిన ఓ వీడియో ఇప్పుడు సోషల్‌ మీడియాలో వైరల్‌గా మారింది. నెటిజన్‌ల నుంచి కామెంట్ల వర్షం కురుస్తోంది. కింది వీడియోలో బొద్దింక ర్యాంప్‌ వాక్‌ దృశ్యాలను మీరూ ఒకసారి వీక్షించండి..

A cockroach has arrived at the #MetGala. https://t.co/OcPy5ckhQN pic.twitter.com/4YiEPs5cIT

— Variety (@Variety) May 2, 2023