జూలో వ్యక్తిపై దాడిచేసిన సింహం..

Ghana | అది జూపార్క్‌. ఎన్‌క్లోజర్‌లో సింహం సేద తీరుతున్నది. ఇంతలో ఓ వ్యక్తి అందులోకి ప్రవేశించాడు. ఇంకేముంది.. రెప్పపాటులో అతనిపై దాడిచేసిన ఘటన ఘనాలోని జంతు ప్రదర్శనశాలలో జరిగింది.

అక్రా: అది జూపార్క్‌. ఎన్‌క్లోజర్‌లో సింహం సేద తీరుతున్నది. ఇంతలో ఓ వ్యక్తి అందులోకి ప్రవేశించాడు. ఇంకేముంది.. రెప్పపాటులో అతనిపై దాడిచేసిన ఘటన ఘనాలోని జంతు ప్రదర్శనశాలలో జరిగింది. ఘనా రాజధాని అక్రాలోని జూలో ఉన్న ఓ ఎన్‌క్లోజర్‌లో సింహాలు ఉన్నాయి. ఓ వ్యక్తి భద్రతా కంచెపై నుంచి ఆ ఎన్‌క్లోజర్‌లోకి దూకాడు. దీంతో ఓ సింహం అతనిపై దాడిచేసింది. తీవ్రంగా గాయపడిన అతడు మృతిచెందాడని ఫారెస్ట్రీ కమిషన్‌ తెలిపారు. అయితే నిషేధిత ప్రదేశమైన ఎన్‌క్లోజర్‌లోకి అతడు ఎలా ప్రవేశించాడనే విషయమై దర్యాప్తు చేస్తున్నామని వెల్లడించారు. జూలోని సింహం, రెండు పిల్లలు సురక్షితంగా ఉన్నాయని పోలీసులు చెప్పారు.

1960లో అక్రా జూపార్కును ఘనా మొదటి అధ్యక్షుడు వామీ క్రుమాహ్‌ ప్రారంభించారు. మొదటి ఇది ప్రైవేటు యాజమాన్యంలో ఉండే. అయితే 1966లో మొదటిసారిగా ప్రజలను జూలోకి అనుమతించారు.