రష్యా అధ్యక్షుడు పుతిన్పై అమెరికా సెనెటర్ లిండ్సీ గ్రాహమ్ సంచలన వ్యాఖ్యలు చేశారు. పుతిన్ను భౌతికంగా అంతం చేయాలని పిలుపునిచ్చారు. ఓ టీవీ ఛానల్ ఇంటర్వ్యూలో ఆయన పై వ్యాఖ్యలు చేశారు. రష్యా- ఉక్రెయిన్ మధ్య యుద్ధం ఎలా ముగుస్తుంది? అని ప్రశ్నించగా.. ‘పుతిన్ను హత్య చేయాలి. అప్పుడే ఆ యుద్ధం ఆగిపోతుంది’ అంటూ వివాదాస్పద వ్యాఖ్యలు చేశారు. పుతిన్ను అంతం చేయడానికి రష్యాలో ఎవరో ఒకరు ముందుకు రావాలని అన్నారు. ప్రజల జీవితాలో చీకట్లలో ఉండకుండా వుండేందుకు, పేదరికం నుంచి బయటపడాలంటే పుతిన్ను హత్య చేయడమే కరెక్ట్ అంటూ ఎంపీ లిండ్సీ గ్రాహమ్ వ్యాఖ్యానించారు.
తీవ్రంగా స్పందించిన రష్యా
అధ్యక్షుడు పుతిన్ను హత్య చేయాలని అమెరికా ఎంపీ పిలుపు ఇవ్వడంపై రష్యా తీవ్రంగా స్పందించింది. ఇలాంటి వ్యాఖ్యలు చేయడం నేరమని అమెరికాలో రష్యా రాయబారి అనటోలీ ఆంటోనోవ్ అన్నారు. అయితే ఈ వ్యాఖ్యలపై అమెరికా ఇంకా అధికారికంగా ఎలాంటి వ్యాఖ్యలూ చేయలేదు.