Fertility Rate: ద‌క్షిణ కొరియాకు మ‌ళ్లీ షాక్‌.. ఇంత‌కీ ఆ దేశానికి ఏమైంది?

Fertility Rate : సంతానోత్ప‌త్తి రేటు మ‌ళ్లీ ప‌డిపోయింది. ద‌క్షిణాఫ్రికాలో పిల్ల‌ల్ని కంటున్న మ‌హిళ‌ల సంఖ్య క్ర‌మంగా త‌గ్గుతోంది. గ‌త ఏడాదితో పోలిస్తే ఫెర్టిలిటీ రేటు త‌గ్గింది. దీంతో వ‌ర్కింగ్ ఏజ్ పాపులేష‌న్ స‌మ‌స్య ఎదురుకానున్న‌ది.

సియోల్‌: ద‌క్షిణ కొరియా(South Korea)లో మ‌ళ్లీ సంతానోత్ప‌త్తి రేటు(Fertility Rate) ప‌డిపోయింది. ఇప్ప‌టికే అత్య‌ల్ప స్థాయిలో ఉన్న ఆ దేశ రేటు.. ఈ ఏడాది మ‌రింత దిగ‌జారిన‌ట్లు నివేదిక‌లు చెబుతున్నాయి. జ‌నాభా పెరుగుద‌ల కోసం ఆ దేశం చేస్తున్న ప్ర‌య‌త్నాలు విఫ‌లం అవుతున్నాయి. 2022 సంవ‌త్స‌రానికి మ‌హిళ‌ల్లో సంతాన ఉత్ప‌త్తి రేటు స‌గ‌టున 0.78కు ప‌డిపోయిన‌ట్లు ఆ దేశ జాతీయ గ‌ణాంకాల శాఖ తెలిపింది. అంత‌కుముందు ఏడాది ఆ రేటు 0.81 శాతంగా ఉండేది.

ఆ దేశ జ‌నాభా స్థిరంగా ఉండాలంటే.. ఫెర్టిలిటీ రేటు క‌నీసం 2.1గా ఉండాల‌ని నిపుణులు భావిస్తున్నారు.ఎందుకంటే ఆ దేశంలో ఇమ్మిగ్రేష‌న్ సౌక‌ర్యాలు కూడా లేవు. 2015 నుంచి సౌత్ కొరియాలో బ‌ర్త్ రేటు క్షీణిస్తోంది. ఇక 2020లో శిశు జ‌న‌నాల క‌న్నా.. చావుల‌నే ఎక్కువ స్థాయిలో న‌మోదు అయ్యాయి. 2022లో ఆ దేశంలో సుమారు రెండు ల‌క్ష‌ల 49 వేల మంది పుట్ట‌గా.. మూడు ల‌క్ష‌ల 72 వేల 800 మంది మ‌ర‌ణించారు.

ద‌క్షిణ కొరియాతో పాటు అనేక ఆసియా దేశాల్లోనూ సంతానోత్ప‌త్తి రేటు ప‌డిపోతోంది. ఈ జాబితాలో జ‌పాన్‌, చైనా దేశాలు కూడా ఉన్నాయి. వ‌య‌సు మ‌ళ్లిన జ‌నాభా పెరుగుతుండ‌గా.. వ‌ర్కింగ్ ఏజ్ పాపులేష‌న్ మాత్రం త‌గ్గుతోంది. కొరియా మ‌హిళ‌లు చాలా లేటు ఏజ్‌లో పిల్ల‌ల్ని కంటుండ‌డం కూడా ఓ స‌మ‌స్య‌గా మారింది. గ‌త ఏడాది కొరియాలో మ‌హిళ‌ల గ‌ర్భ‌ధార‌ణ స‌గ‌టు వ‌య‌సు 33.5 ఏళ్లుగా ఉంది.