ఆస్ట్రాజెనికా టీకా.. బ్ల‌డ్ క్లాటింగ్‌కు లింకు నిజ‌మే..

లండ‌న్: ఆస్ట్రాజెనికా టీకా తీసుకున్న కొంద‌రిలో ర‌క్తం గ‌డ్డ‌క‌ట్టిన విష‌యం తెలిసిందే. అయితే దీనిపై యురోపియ‌న్ మెడిసిన్స్ ఏజెన్సీ ఓ నివేదిక‌ను రిలీజ్ చేసింది. ఆస్ట్రాజెనికా క‌రోనా టీకాకు.. టీకా తీసుకున్న త‌ర్వాత ర‌క్తం గ‌డ్డ‌క‌ట్ట‌డానికి ఏదో లింకు ఉంద‌ని యురోపియ‌న్ ఏజెన్సీ అధికారి ఒక‌రు తెలిపారు. నా దృష్టిలో.. బ్ల‌డ్ క్లాటింగ్‌కు.. వ్యాక్సిన్‌కు లింకు ఉన్న విష‌యం వాస్త‌వ‌మే అని, కానీ దేని వ‌ల్ల ఆ రియాక్ష‌న్ జ‌రుగుతుందో స్ప‌ష్టంగా తెలియ‌ద‌ని ఈఎంఏ అధికారి మార్కో క‌వ‌ల‌రీ తెలిపారు. అయితే టీకా తీసుకున్న త‌ర్వాత ఎందుకు ర‌క్తం క్లాట్ అవుతుందో ఇంకా స్ట‌డీ చేయాల‌న్నారు. ఇట‌లీతో పాటు యురోప్‌లోని ప‌లు దేశాలు ఆస్ట్రాజెనికా టీకాపై నిషేధం విధించిన విష‌యం తెలిసిందే. కొన్ని దేశాలు మాత్రం ఆ టీకాను వినియోగిస్తున్నాయి. న‌ష్టాల క‌న్నా లాభాల ఎక్కువ‌గా ఉన్న‌ట్లు ప‌లు దేశాలు పేర్కొన్నాయి. యువ‌కుల్లోనే సెరిబ్ర‌ల్ థ్రాంబోసిస్ కేసులు న‌మోదు అవుతున్న‌ట్లు మార్కో క‌వ‌ల‌రీ తెలిపారు.