Nampally Court | జైలుకు వెళ్ల‌ను.. నాంప‌ల్లి కోర్టులో నిందితుడు హంగామా

Nampally Court |  హైద‌రాబాద్ : నాంప‌ల్లి కోర్టులో ఓ నిందితుడు హ‌ల్‌చ‌ల్ సృష్టించాడు. ఈ నెల 25వ తేదీన త‌న పెళ్లి ఉంద‌ని, ఈ నేప‌థ్యంలో తాను జైలుకు వెళ్ల‌నంటూ హంగామా చేశాడు. కోర్టు లోప‌ల డోర్‌కు ఉన్న అద్దాలను ప‌గుల‌గొట్టి, చేతికి గాయం చేసుకున్నాడు.

Nampally Court |  హైద‌రాబాద్ : నాంప‌ల్లి కోర్టులో ఓ నిందితుడు హ‌ల్‌చ‌ల్ సృష్టించాడు. ఈ నెల 25వ తేదీన త‌న పెళ్లి ఉంద‌ని, ఈ నేప‌థ్యంలో తాను జైలుకు వెళ్ల‌నంటూ హంగామా చేశాడు. కోర్టు లోప‌ల డోర్‌కు ఉన్న అద్దాలను ప‌గుల‌గొట్టి, చేతికి గాయం చేసుకున్నాడు.

వివ‌రాల్లోకి వెళ్తే.. రౌడీ షీట‌ర్ ఆనంద్ అగ‌ర్వాల్‌ను గంజాయి కేసులో శాలిబండ పోలీసులు అరెస్టు చేశారు. అనంత‌రం కోర్టులో హాజ‌రుప‌రిచారు. ఇప్ప‌టికే అత‌నిపై 18 కేసులు న‌మోదు కాగా, గంజాయి కేసులో విచారించి, రిమాండ్ విధించింది. అయితే త‌న‌కు పెళ్లి కుదిరింద‌ని జైలుకు వెళ్ల‌న‌ని ఆనంద్ మొండికేశాడు. అంత‌టితో ఊరుకోకుండా కోర్టు లోప‌ల డోర్ అద్దాల‌ను త‌న చేతితో పగుల‌గొట్టాడు. దీంతో అత‌ని చేతికి తీవ్ర గాయ‌మైంది. ఓ మ‌ర్డ‌ర్ కేసు, దొంగ‌త‌నం కేసులో నిందితుడిగా ఉన్న ఆనంద్.. నెల రోజుల క్రిత‌మే ఓ హ‌త్య కేసులో జైలుకు వెళ్లి.. ఇటీవ‌లే విడుద‌ల‌య్యాడు.