Tank Bund | ట్యాంక్‌బండ్‌పై కారు బీభత్సం.. అదుపుతప్పి హుస్సేన్‌సాగర్‌ రేలింగ్‌కు ఢీ

హైదరాబాద్‌లోని ట్యాంక్‌బండ్‌పై (Tank Bund) కారు బీభత్సం సృష్టించింది. ఆదివారం ఉదయం వేగంగా దూసుకొచ్చిన కారు.. ట్యాంక్‌బండ్‌ ఎన్టీర్‌ మార్గ్‌లో (NTR Marg) అదుపుతప్పి రేలింగ్‌ను ఢీకొట్టి (Road accident) ఆగిపోయింది.

హైదరాబాద్‌: హైదరాబాద్‌లోని ట్యాంక్‌బండ్‌పై (Tank Bund) కారు బీభత్సం సృష్టించింది. ఆదివారం ఉదయం వేగంగా దూసుకొచ్చిన కారు.. ట్యాంక్‌బండ్‌ ఎన్టీర్‌ మార్గ్‌లో (NTR Marg) అదుపుతప్పి రేలింగ్‌ను ఢీకొట్టి (Road accident) ఆగిపోయింది. కొద్దిలో హుస్సేన్‌సాగర్‌లో (Hussain sagar) పడిపోయేది. అయితే ఎయిర్‌ బెలున్స్‌ తెరచుకోవడంతో అందులో ఉన్నవారు క్షేమంగా బయటపడ్డారు. కారును అక్కడే వదిలేసి పరారయ్యారు.

కాగా, ప్రమాదం ధాటికి కారు ముందుభాగం నుజ్జునుజ్జు అయింది. ఫుట్‌పాత్‌పై ఉన్న ఓ చెట్టు కూలిపోయింది. సమాచారం అందుకున్న పోలీసులు ఘటనా స్థలానికి చేరుకున్నారు. క్రేన్‌ సహాయంతో కారును అక్కడినుంచి తరలించారు. అతివేగమే ప్రమాదానికి కారణమని భావిస్తున్నారు. కారులో ఉన్నవారు మద్యంమత్తులో ఉన్నారని అనుమానిస్తున్నారు. ఈ ఘటనపై కేసు నమోదుచేసి దర్యాప్తు చేస్తున్నారు.