Batukamma | మెట్ల బావి వద్ద బతుకమ్మ సందడి.. మహిళలతో కలిసి కోలాటం ఆడిన ఎమ్మెల్యే..!

Batukamma : చారిత్రక మెట్ల బావి (Bansilalpet Stepwell) బతుకమ్మ (Batukamma) వేడుకలను ఘనంగా నిర్వహించారు. మాజీ మంత్రి, బీఆర్‌ఎస్ సనత్ నగర్ ఎమ్మెల్యే తలసాని శ్రీనివాస్ యాదవ్‌ (MLA Talasai Srinivas Yadav) హాజరయ్యారు.

Batukamma : రాష్ట్ర పండుగైన బతుకమ్మ వేడుకలతో పల్లెపట్నం మురిసిపోతోంది. బన్సీలాల్‌పేటలోని చారిత్రక మెట్ల బావి (Bansilalpet Stepwell) బతుకమ్మ (Batukamma) వేడుకలను ఘనంగా నిర్వహించారు. మాజీ మంత్రి, బీఆర్‌ఎస్ సనత్ నగర్ ఎమ్మెల్యే తలసాని శ్రీనివాస్ యాదవ్‌ (MLA Talasai Srinivas Yadav) మహిళలతో కలిసి కోలాటం ఆడి, స్టెప్పులు వేశారు.

బన్సీలాల్‌పేట మెట్లబావి వద్ద బతుకమ్మ వేడుకలు సంబురంగా జరిగాయి. ముఖ్య అతిథిగా విచ్చేసిన సనత్‌నగర్ ఎమ్మెల్యే తలసాని శ్రీనివాస్ యాదవ్‌ను యువకులు శాలువాతో సన్మానించారు. ఆపై మహిళలు పూలతో ఎమ్మెల్యేకు ఘన స్వాగతం పలికారు.

అనంతరం మహిళలు అందించిన కోలలు తీసుకున్న తలసాని వారితో కలిసి హుషారుగా కోలాటం ఆడారు. ఈ సందర్భంగా పలువురు ఆయనతో ఫొటోలు దిగేందుకు పోటీపడ్డారు. పురాతనమైన మెట్లబావి వద్ద ఆద్యంతం కన్నులపండువగా సాగిన ఈ వేడుకల్లో మహిళలు, చిన్నారులు పెద్ద సంఖ్యలో పాల్గొన్నారు.