Visit:
Fire Accident | హైదరాబాద్ శివారు రాజేంద్రనగర్ పరిధిలో భారీ అగ్నిప్రమాదం సంభవించింది. బండ్లగూడలోని ఓ బట్టల షాపులో మంగళవారం తెల్లవారుజామున మంటలు అంటుకున్నాయి. ఒక్కసారిగా అగ్నికీలలు ఎగిసిపడటంతో ఆ ప్రాంతమంతా దట్టమైన పొగతో కమ్మేసింది.
ఇది గమనించిన స్థానికులు భయాందోళనలకు గురయ్యారు. వెంటనే డయల్ 100, అగ్నిమాపక సిబ్బందికి సమాచారం అందించారు. ఘటనాస్థలికి చేరుకున్న అగ్నిమాపక సిబ్బంది ఫైరింజన్ల సాయంతో మంటలను ఆర్పివేస్తున్నారు. కాగా, ఈ ప్రమాదంలో సెకండ్ ఫ్లోర్లో ఉన్న సిద్ధి వినాయక టెక్స్టైల్స్ షాపు పూర్తిగా దగ్ధమైంది. దీంతో భారీగా ఆస్తి నష్టం జరిగినట్లు తెలుస్తోంది. షాక్ సర్క్యూట్ కారణంగానే అగ్ని ప్రమాదం జరిగి ఉండొచ్చని ప్రాథమికంగా అనుమానిస్తున్నారు.
