ప్రతిభకు వేదిక..

- నవతరానికి చింతలేదిక
- ఆన్లైన్లో కళాకారులకు శిక్షణనిస్తున్న భాషా సాంస్కృతిక శాఖ
కరోనా వ్యాప్తి.. అందరూ ఒక్క చోటకు చేరని పరిస్థితి.. ఈ నేపథ్యంలో రంగస్థలం, సినిమా రంగాల్లో ప్రవేశించాలని భావిస్తున్న నవతరం కళాకారులను ఆన్లైన్ వేదిక ద్వారా తీర్చిదిద్దుతున్నారు. రాష్ట్రంలోని అన్ని కళారూపాలను ప్రోత్సహించడమే కాకుండా ఆయా విభాగాల్లో కొత్త తరం నటులు, దర్శకులు, రచయితలకు భాషా సాంస్కృతిక శాఖ ఆధ్వర్యంలో ప్రత్యేక శిక్షణనిస్తున్నారు. అందులో భాగంగానే ఆన్లైన్ విధానంలో సంగీతం, నృత్యం, నాటకం, టీవీ, సినిమా రంగాల్లో నటన, నృత్యం, గానం, రచనలు చేయడంపై ఔత్సాహికులకు శిక్షణనిస్తూ వివిధ రంగాల్లో ప్రవేశించేందుకు అనువైన మార్గాలను సూచిస్తున్నది. టీవీ, సినిమా కథలు రాయడంపై ఆన్లైన్ స్క్రిప్ట్ రైటింగ్ జిమ్నాజియం వర్క్షాప్ పేరుతో తెలంగాణ భాషా సాంస్కృతిక శాఖ ఆధ్వర్యంలో 9వారాల పాటు జూమ్ ద్వారా శిక్షణ ఇచ్చారు.
తెలంగాణ ఏర్పడ్డాక…
తెలంగాణ రాష్ట్రం ఏర్పడ్డాక ఇక్కడి సంస్కృతి, సంప్రదాయాల గొప్పదనాన్ని చాటిచెప్పేలా ప్రభుత్వం ప్రత్యేక కార్యాచరణ అమలు చేస్తున్నది. అదే విధంగా మన మూలాలను వెతుక్కుంటూ తెలంగాణ చరిత్ర, వాగ్గేయకారులు, వివిధ విభిన్న కళలు, కళాకారులు, మహోన్నత వ్యక్తులను, నిరాదరణకు గురై అంతరించిపోతున్న వాటిని గుర్తించి, వెలికితీసి, బతికిస్తూ, ప్రోత్సహిస్తూ.. పునర్ వైభవం తీసుకు వచ్చేందుకు అన్ని విధాలా కృషి చేస్తున్నది. అందులో భాగంగానే ఆణిముత్యాల్లాంటి యువ కళాకారులను కళా ప్రపంచానికి అందజేసేందుకు రాష్ట్ర ప్రభుత్వం భాషా సాంస్కృతిక శాఖ ఉచిత శిక్షణ శిబిరాలు నిర్వహిస్తున్నదని డైరెక్టర్ మామిడి హరికృష్ణ వెల్లడించారు.
రంగస్థలంలో శిక్షణ..
సాంస్కృతిక శాఖ ఆధ్వర్యంలో ముఖాభినయం, జానపదం, కూచిపూడి, కథక్ అంశాల్లో శిక్షణ ఇవ్వడంతోపాటు ప్రదర్శనలు కూడా ఇచ్చేలా ప్రోత్సహిస్తున్నారు. ముఖ్యంగా రంగస్థలం (థియేటర్ ఆర్ట్స్) నట శిక్షణ, ప్రదర్శనల నిర్వహణపై తెలుగు, హిందీ, ఇంగ్లిష్, ఉర్దూ భాషల్లో శిక్షణ ఇవ్వడం గమనార్హం. శిక్షణ అనంతరం 10 రోజులపాటు ప్రొడక్షన్పై అవగాహన, ఆ తర్వాత బహుభాషా నాటక ప్రదర్శనలను ఏర్పాటు చేసి కళాకారులకు తగిన ప్రోత్సాహం అందించారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
Bigg Boss 10 | బిగ్బాస్ తెలుగు 10 నుంచి శ్వేతా నాయుడు ఔట్.. ఈ వారం హౌస్ నుంచి బయటకు వెళ్లింది ఆమెనేనా?
Vemulawada | వేములవాడ రాజన్న ఆలయ క్యూలైన్ వద్ద అగ్నిప్రమాదం.. భక్తులు లేకపోవడంతో తప్పిన ముప్పు!
Hey Kannamma | యశ్ మాస్టర్, ధనశ్రీ వర్మ జోడిగా ‘హే కన్నమ్మ’.. టీజర్ విడుదల!
Hyderabad | ఇద్దరి మధ్య ప్రేమ తగ్గిందనే సూసైడ్.. కేపీహెచ్బీ దంపతుల మృతిలో కొత్త కోణం!
IND vs NZ | ఐదో వన్డేలోనూ భారత్ తడబాటు.. 94 పరుగులకే నాలుగు వికెట్లు డౌన్!
ట్రెండింగ్ వార్తలు
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్

