Cold Wave | హైద‌రాబాద్‌ను వ‌ణికిస్తున్న చ‌లి.. రాగ‌ల మూడు రోజులు జ‌ర జాగ్ర‌త్త‌..!

Cold Wave | ఈశాన్యం వైపు నుంచి వీస్తున్న కిందిస్థాయి గాలుల ప్రభావంతో నగర ఉష్ణోగ్రతలు సాధారణ స్థాయి కంటే తక్కువకు పడిపోతున్నాయి. దీంతో చలిపులి గ్రేటర్‌ వాసులను వణికిస్తోంది.

Cold Wave | హైద‌రాబాద్ : ఈశాన్యం వైపు నుంచి వీస్తున్న కిందిస్థాయి గాలుల ప్రభావంతో నగర ఉష్ణోగ్రతలు సాధారణ స్థాయి కంటే తక్కువకు పడిపోతున్నాయి. దీంతో చలిపులి గ్రేటర్‌ వాసులను వణికిస్తోంది. ఈ క్రమంలోనే గురువారం రాత్రి నుంచి శుక్రవారం ఉదయం వరకు నగరంలో కనిష్ట ఉష్ణోగ్రతలు సాధారణ స్థాయి కంటే 4.6డిగ్రీలు తగ్గి 13.4డిగ్రీల సెల్సియస్‌గాను, గరిష్ట ఉష్ణోగ్రతలు 29.4డిగ్రీల సెల్సియస్‌, గాలిలో తేమ 30శాతంగా నమోదైనట్లు హైదరాబాద్‌ వాతావరణ కేంద్రం అధికారులు వెల్లడించారు. రాగల మూడు రోజులు ఇదే తరహాలో చలి ప్రభావం కొనసాగే అవకాశాలున్నట్లు అధికారులు తెలిపారు.