మ‌న తెలుగు వంట‌కాల్లో తొక్కుల‌ది ప్రత్యేక స్థానం. ఏ కూరతో భోజ‌నం చేసినా మొద‌టి ముద్ద తొక్కుల‌తో ఉండాల్సిందే. ఈ తొక్కుల్లో ఆరోగ్యానికి అవ‌స‌ర‌మ‌య్యే ఎన్నో పోష‌కాలు ఉన్నాయి. ముఖ్యంగా పుల్ల పుల్లగా కారం కారంగా ఉండే నిమ్మకాయ తొక్కుతో ఆరోగ్యానికి ఎంతో మంచిది.
ఆరోగ్యంగా ఉండాలంటే శ‌రీరంలో ర‌క్తప్రస‌ర‌ణ స‌క్రమంగా ఉండాలి. ర‌క్త ప్రవాహంలో హెచ్చు త‌గ్గులు ర‌క్తపోటుకు కార‌ణ‌మ‌వుతాయి. అయితే రోజూ నిమ్మకాయ తొక్కుతో తిన‌డం వ‌ల్ల ర‌క్త ప్రస‌ర‌ణ మెరుగ‌వు‌తుంది.
నిమ్మకాయ తొక్కులో ఎన్నో పోష‌కాలు ఉంటాయి. పైగా కొవ్వు అస‌లు ఉండ‌దు. హృద్రోగాలు వ‌చ్చే ప్రమాదం త‌క్కువ ఉంటుంది. కాబ‌ట్టి దీన్ని నిర‌భ్యంతరంగా డైట్‌లో చేర్చుకోవ‌చ్చు.
నిమ్మకాయ‌లో కాప‌ర్‌, పొటాషియం, ఐర‌న్‌, కాల్షియం ఉంటాయి. వ‌య‌సు పెరిగే కొద్ది ఎముక‌ల ఆరోగ్యం క్షీణించ‌డం మొద‌ల‌వుతుంది. కాబ‌ట్టి కాల్షియం, విట‌మిన్ ఏ, సీ, పొటాషియం క‌లిగిన నిమ్మకాయ తొక్కును ఆహారంగా తీసుకోవ‌డం ద్వారా ఎముక‌ల ఆరోగ్యాన్ని పెంపొందించుకోవ‌చ్చు.
స‌ప్లిమెంట్ల ద్వారా విట‌మిన్లు, పోష‌కాల‌ను తీసుకోవ‌డానికి బ‌దులు ఆరోగ్యక‌ర‌మైన ఆహారం తీసుకోవ‌డం ద్వారా వ్యాధి నిరోధ‌క శ‌క్తిని పెంపొందించుకోవ‌చ్చు. అలాంటి ఆహారాల్లో నిమ్మకాయ తొక్కు ఒక‌టి. ఇందులో బీ కాంప్లెక్స్ విట‌మిన్లు పుష్కలంగా ఉంటాయి.
నిమ్మకాయ తొక్కు తిన‌డం వ‌ల్ల జీర్ణక్రియ స‌క్రమంగా జ‌రుగుతుంది. నిమ్మలో ఉండే ఎంజైములు శ‌రీరంలోని విష‌తుల్యాల‌ను తొల‌గించడంలో స‌హ‌క‌రిస్తాయి. దీనివ‌ల్ల బ‌రువు పెర‌గ‌కుండా ఉంటారు.
