Health Tips | తేనెతో బీపీ, కొలెస్ట్రాల్‌కు చెక్ : త‌గ్గ‌నున్న హృద్రోగ ముప్పు

ఎలాంటి ముంద‌స్తు సంకేతాలు, ల‌క్ష‌ణాలు క‌నిపించ‌ని సైలెంట్ కిల్ల‌ర్లు బీపీ, కొలెస్ట్రాల్‌ను స‌కాలంలో గుర్తించి చికిత్స తీసుకోకుంటే తీవ్ర అనారోగ్యాల బారిన‌ప‌డే ప్ర‌మాదం ఉంటుంది.

న్యూఢిల్లీ : ఎలాంటి ముంద‌స్తు సంకేతాలు, ల‌క్ష‌ణాలు క‌నిపించ‌ని సైలెంట్ కిల్ల‌ర్లు బీపీ, కొలెస్ట్రాల్‌ను స‌కాలంలో గుర్తించి చికిత్స తీసుకోకుంటే తీవ్ర అనారోగ్యాల బారిన‌ప‌డే ప్ర‌మాదం ఉంటుంది. దీర్ఘ‌కాలంలో ఇవి హృద్రోగాల‌తో పాటు గుండెపోటు, స్ట్రోక్‌కు దారితీసే ప్ర‌మాదం ఉంది. అయితే మ‌న వంటింట్లో ల‌భించే ప‌దార్ధంతో హై కొలెస్ట్రాల్‌, బీపీల‌ను త‌గ్గించ‌డంతో పాటు హృద్రోగ ముప్పును నివారించ‌వ‌చ్చ‌ని తాజా అధ్య‌య‌నం వెల్ల‌డించింది.

రోజూ రెండు స్పూన్‌ల తేనె తీసుకోవ‌డం ద్వారా మెరుగైన ఆరోగ్య ప్ర‌యోజ‌నాల‌ను సొంతం చేసుకోవ‌చ్చ‌ని కెన‌డాలోని యూనివ‌ర్సిటీ ఆప్ టొరంటోకు చెందిన ప‌రిశోధ‌కులు పేర్కొన్నారు. ఈ అద్భుత గోల్డెన్ లిక్విడ్‌తో ఫాస్టింగ్ బ్ల‌డ్ గ్లూకోజ్ లెవెల్స్‌, ఫ్యాటీ లివ‌ర్ డిసీజ్ మార్క‌ర్ల‌ను త‌గ్గించ‌వ‌చ్చ‌ని వారు చెబుతున్నారు.

80 శాతం చ‌క్కెర క‌లిగిన తేనెతో మ‌ధుమేహాన్ని, అధిక కొలెస్ట్రాల్‌ను నియంత్రించ‌వ‌చ్చ‌ని ఈ అధ్య‌య‌నంలో తేల‌డం విశేషం. తేనెలో ప్రొటీన్లు, బ‌యోయోక్టివ్ కాంపౌండ్లు, షుగ‌ర్‌, ఆర్గానిక్ ఆమ్లాల వంటి మేలుచేసే ప‌లు ప‌దార్ధాలుంటాయ‌ని న్యూట్రిష‌న్ రివ్యూస్ జ‌ర్న‌ల్‌లో ప్ర‌చురిత‌మైన అధ్య‌య‌నం తెలిపింది.