ఎములాడ రాజన్న

పడగ ఎత్తిన నాగు మెడకు సొబగాయే నడుమున ఏనుగు తోలు వలువాయే షష్టి చందుర వంక సిగన నగతీరాయే నెత్తినెత్తిన గంగ నీకెంతొ ప్రియమాయే

పడగ ఎత్తిన నాగు మెడకు సొబగాయే
నడుమున ఏనుగు తోలు వలువాయే
షష్టి చందుర వంక సిగన నగతీరాయే
నెత్తినెత్తిన గంగ నీకెంతొ ప్రియమాయే
మస్తు మస్తుగున్నవు మా రాజరాజేశ్వర
వస్తిమి ఎములాడ భక్తితో శ్రీ రాజరాజేశ్వర

ధర్మగుండంలో నిండ మునకలేస్తాము
బిరబిర నీకడకు తరలి వస్తాము
కొబ్బరికాయలు కొట్టి నిన్ను మొక్కేమూ
పత్రి పూలు పెట్టి నీ పూజ చేసేము
మస్తు మస్తుగున్నవు మా రాజరాజేశ్వర
వస్తిమి ఎములాడ భక్తితో శ్రీ రాజరాజేశ్వర

రోజంతా శివరాత్రి ఉపాసముంటాము
రేయంతా నిదురోక జాగారముంటాము
ఊరంతా గుడికాడ వండుకొని తింటాము
భక్తులందరికి అన్నదానాలు చేస్తాము
మస్తు మస్తుగున్నవు మా రాజరాజేశ్వర
వస్తిమి ఎములాడ భక్తితో శ్రీ రాజరాజేశ్వర

పార్వతమ్మతో జరుగు నీ పెండ్లి చూసేము
అరదమెక్కించి మిమ్ము ఊరంతా తిప్పేము
శివరాత్రి జాతరల సిత్తమంతా నువ్వేలే
మూడు రోజుల పాటు ఆనందాలూ నవ్వులే
మస్తు మస్తుగున్నవు మా రాజరాజేశ్వర
వస్తిమి ఎములాడ భక్తితో శ్రీ రాజరాజేశ్వర

– డాక్టర్‌ గొల్లపెల్లి రాంకిషన్‌ (రాఖీ)
98496 93324