GHMC | వయోవృద్ధులకు ఇంటివద్దే కొవిడ్‌ టీకాలు

సైదాబాద్‌: తెలంగాణ రాష్ట్ర ప్రభుత్వం ఇంటింటికీ కొవిడ్‌ టీకాలు ఇవ్వాలని ప్రకటించిన నేపథ్యంలో మంగళవారం సీనియర్‌ సిటిజన్స్​‍ సర్వీస్ ట్రస్ట్ సంస్థ ఆధ్వర్యంలో సీనియర్‌ సీటిజన్లకు ఇంటి వద్దే కోవిడ్‌ వ్యాక్సిన్‌ వేశారు. ఐఎస్ సదన్‌ డివిజన్‌ పరిధిలోని సింగరేణి ఆఫీసర్స్​‍ కాలనీలో సీనియర్‌ సీటిజన్లకు ఆరోగ్య కార్యకర్త సరిత కొవిడ్‌ టీకాలు వేశారు.

ఈ సందర్భంగా సీనియర్‌ సిటిజన్స్​‍ సర్వీస్ ట్రస్ట్ సంస్థ ప్రతినిధులు ఓఎస్వీడీ ప్రసాద్‌, నేరళ్ల ప్రసాదరావు, శేషగిరిరావు, వైఎస్ఆర్‌ మూర్తి, సర్వేశ్వరరావు మాట్లాడుతూ దివ్యాంగులు, వయోవృద్ధులకు ఇంటింటికీ వెళ్లి వైద్య సిబ్బందితో కలిసి టీకాలు వేయిస్తున్నామని, కొవిడ్‌ వ్యాక్సిన్‌ను ప్రతి ఒక్కరూ తీసుకుని కొవిడ్‌కు దూరంగా ఉండలన్నారు. ఈ కార్యక్రమంలో సింగరేణి ఆఫీసర్‌ కాలనీ సంక్షేమ సంఘం ప్రతినిధులు పాల్గొన్నారు.