వ‌ర్ధ‌మాన న‌టి, మోడ‌ల్‌పై లైంగిక వేధింపులు : షేర్ బ్రోక‌ర్ అరెస్ట్
వ‌ర్ధ‌మాన న‌టి, మోడ‌ల్‌ను లైంగిక వేధింపుల‌కు గురిచేసిన షేర్ బ్రోక‌ర్‌ను పోలీసులు అరెస్ట్ చేశారు.
ముంబై : వ‌ర్ధ‌మాన న‌టి, మోడ‌ల్‌ను లైంగిక వేధింపుల‌కు గురిచేసిన షేర్ బ్రోక‌ర్‌ను పోలీసులు అరెస్ట్ చేశారు. ముంబైలోని ఓ హోట‌ల్‌లో ప‌ట్టుబ‌డిన షేర్ మార్కెట్ ట్రేడ‌ర్ జిగ్నేష్ మెహ‌తాపై అంధేరి ఎంఐడీసీ పోలీస్ స్టేష‌న్‌లో లైంగిక వేధింపుల కేసు న‌మోదైంది. అంధేరి ఎంఐడీసీ ప్రాంతంలోని ఓ హోట‌ల్ గ‌దిలో త‌న‌ను క‌ల‌వాల‌ని మెహ‌తా బాధితురాలిని పిలిచాడు.
త‌న‌కు బాలీవుడ్ నిర్మాత‌ల‌తో ప‌రిచ‌యం ఉంద‌ని, త‌న ప‌రిచ‌యాల‌తో సినిమాల్లో అవ‌కాశాలు ఇప్పిస్తాన‌ని మ‌హిళ‌కు న‌మ్మ‌బ‌లికాడు. ఆగ‌స్ట్ 5న హోట‌ల్ రూంలో త‌న‌తో డిన్న‌ర్‌కు రావాల‌ని కోరాడు. బాధితురాలు హోట‌ల్ రూంకు రాగా నిందితుడు త‌న స్నేహితుడితో క‌లిసి ఆమెపై లైంగిక దాడికి ప్ర‌య‌త్నించాడు.
ఆమె దుస్తుల‌ను తొల‌గించేందుకు ప్ర‌య‌త్నించ‌డంతో బాధితురాలు ప్ర‌తిఘ‌టించి సాయం కోసం బిగ్గ‌ర‌గా అరిచింది. మ‌హిళ అరుపుల‌తో హోట‌ల్ సిబ్బంది అక్క‌డ‌కు చేరుకుని ఆమెను కాపాడారు. మెహ‌తాను ప‌ట్టుకున్న హోట‌ల్ సిబ్బంది అత‌డిని పోలీసుల‌కు అప్ప‌గించారు.
Read Today's Latest Crime News in Telugu and Telugu News
- Follow Us :
-
