న‌టి, మోడ‌ల్‌ను చంపేస్తామ‌ని బెదిరించిన వ్య‌క్తి అరెస్ట్

టీవీ న‌టి, బిగ్‌బాస్ ఓటీటీ ఫేం ఉర్ఫీ జావేద్‌ను చంపేస్తాన‌ని, లైంగిక దాడికి పాల్ప‌డ‌తాన‌ని బెదిరించిన వ్య‌క్తిని ముంబై పోలీసులు అరెస్ట్ చేశారు.

ముంబై : టీవీ న‌టి, బిగ్‌బాస్ ఓటీటీ ఫేం ఉర్ఫీ జావేద్‌ను చంపేస్తాన‌ని, లైంగిక దాడికి పాల్ప‌డ‌తాన‌ని బెదిరించిన వ్య‌క్తిని ముంబై పోలీసులు అరెస్ట్ చేశారు. ఉర్ఫీ జావేద్‌కు ప‌లుమార్లు ఫోన్‌లో బెదిరించిన వ్య‌క్తిని న‌వీన్ గిరిగా గుర్తించి అత‌డిని పోలీసులు అదుపులోకి తీసుకున్నారు. న‌వీన్ గిరిని అరెస్ట్ చేసిన గొరెగావ్ పోలీసులు అత‌డిపై ఐపీసీ స‌హా ఐటీ యాక్ట్ కింద ఎఫ్ఐఆర్ న‌మోదు చేశారు.

నిందితుడు సోష‌ల్ మీడియా ఇన్‌ఫ్లుయ‌న్స‌ర్‌, ఇంట‌ర్‌నెట్ సెన్సేష‌న్ ఉర్ఫీ జావేద్‌కు వాట్సాప్ ద్వారా బెదిరింపు మెసేజ్‌లు పంపుతుండేవాడు. మ‌రోవైపు ఓ ప్రాజెక్ట్‌కు సంబంధించిన షూటింగ్‌లో పాల్గొనేందుకు దుబాయ్‌లో ఉన్న ఉర్ఫీ జావేద్‌ను దుబాయ్ పోలీసులు అరెస్ట్ చేశారు. బ‌హిరంగ ప్ర‌దేశంలో అభ్యంత‌ర‌క‌ర‌మైన దుస్తులు ధ‌రించినందుకు ఆమెను అరెస్ట్ చేశారు. బ‌హిరంగ ప్ర‌దేశాల్లో కురుచ దుస్తుల‌ను ఆ దేశంలో అనుమతించ‌రు.