Jagtial | మల్లాపూర్ : అప్పటి దాకా బంధువుల కోలాహలంతో సందడిగా ఉన్న ఆ ఇల్లు ఒక్కసారిగా మూగబోయింది. బిడ్డ పెండ్లయిన కొన్ని గంటలకే తండ్రి హఠాన్మరణం( Cardiac Arrest ) చెందడం బంధుమిత్రులను కలిచివేసింది. ఈ ఘటనతో జగిత్యాల జిల్లా మల్లాపూర్ మండలం కొత్తదాంరాజ్పల్లిలో విషాదం అలుముకున్నది.
కొత్తదాంరాజ్పల్లి గ్రామానికి చెందిన బెజ్జారపు లింబాద్రి(45) చిన్న కూతురు పెండ్లి గురువారం అంగరంగ వైభవంగా జరిపించారు. అప్పగింతల కార్యక్రమాన్ని సైతం పూర్తి చేశారు. అనంతరం లింబాద్రి.. తన కుటుంబీకులు, బంధుమిత్రులతో కలిసి భోజనం చేసి నిద్రకు ఉపక్రమించాడు. నిద్రలోనే గుండెపోటుగు గురై మరణించాడు. శుక్రవారం తెల్లవారుజామున నిద్రలేచిన కుటుంబ సభ్యులు విగతజీవిగా కనిపించిన ఇంటిపెద్దను చూసి బోరుమన్నారు.