Crime News | బాత్రూంలో మొబైల్ ఫోన్ చూసిన ట్యూషన్ టీచర్.. ఎవరు పెట్టారో తెలిసి షాక్

ఒక మహిళ దాదాపు ఐదేళ్లుగా ట్యూషన్ టీచర్‌గా పని చేస్తోంది. ఒక బాలుడు 10-11 సంవత్సరాల వయసు ఉన్నప్పటి నుంచి ఆమె దగ్గర ఇంగ్లీషు నేర్చుకుంటున్నాడు. ఇప్పుడు ఆ అబ్బాయికి 16 ఏళ్లు. ఇటీవల ట్యూషన్ చెప్పేందుకు ఆ ఇంటికి వెళ్లిన ఆమె.. బాత్రూంకు వెళ్లింది. బాత్రూంలో స్నానం చేస్తుండగా ఒక సోప్ బాక్స్ పక్కనే మొబైల్ ఫోన్ ఉండటం ఆమె కంటపడింది.

దాన్ని చూసి ఆశ్చర్యపోయిన ఆమె.. ఆ మొబైల్ చెక్ చేసింది. అది తను స్నానం చేస్తున్న వీడియో రికార్డు చేయడం చూసి షాకైంది. ఆ మొబైల్‌లో తనకు సంబంధించిన చాలా ఫొటోలు, వీడియోలు ఉండటంతో ఏం జరిగిందో ఆమెకు అర్థమైంది. వెంటనే బయటకు వచ్చి పోలీసులకు ఫిర్యాదు చేసింది. ఈ ఘటన మహారాష్ట్రలోని పూణేలో వెలుగు చూసింది.

సదరు ట్యూషన్ టీచర్ ఫిర్యాదుతో కేసు నమోదు చేసుకున్న పోలీసులు.. ఆమె వద్ద ట్యూషన్ చెప్పించుకుంటున్న బాలుడే మొబైల్‌ను బాత్రూంలో రహస్యంగా పెట్టాడని గుర్తించారు. అలా ఆమె ఫొటోలు, వీడియోలు సేకరించేవాడని పోలీసు దర్యాప్తులో తేలింది. దీంతో సదరుబ బాలుడిపై ఐటీ యాక్ట్ కింద కేసు నమోదు చేసినట్లు పోలీసు అధికారులు తెలియజేశారు.