లక్నో: బాలికల హాస్టల్ బయట కొందరు యువకులు కార్తో స్టంట్ చేశారు. చాలా సేపు ఆ హాస్టల్ ముందు కారుపై విన్యాసాలు చేశారు. ఈ విషయం పోలీసులకు తెలియడంతో ఇద్దరిని అరెస్ట్ చేశారు. ఢిల్లీ శివారు ప్రాంతమైన ఉత్తర ప్రదేశ్ పరిధిలోని గ్రేటర్ నోయిడాలో ఈ సంఘటన జరిగింది. గౌతమ బుద్ధ నగర్ ప్రాంతంలోని నాలెడ్జ్ పార్క్ వద్ద బాలికల హాస్టల్ ఉంది. శుక్రవారం రాత్రి కొందరు యువకులు కార్లలో అక్కడికి వెళ్లారు. కారుపై స్టంట్లు చేశారు. ఒక యువకుడు కారు బోనెట్పై కూర్చోగా, మరో ఇద్దరు కారు డోర్ల వద్ద ప్రమాదకరంగా వేలాడారు. బాలికల హాస్టల్ ఎదుట కారు విన్యాసాలతో హంగామా చేశారు. కొంత సేపు అక్కడే ఉన్నారు.
మరోవైపు స్థానికులు తమ మొబైల్లో దీనిని వీడియో తీశారు. ఒక వీడియో క్లిప్ను పోలీసులకు పంపి ఫిర్యాదు చేశారు. దీంతో పోలీసులు స్పందించారు. సీసీటీవీ ఫుటేజ్ ఆధారంగా ఆ యువకులను గుర్తించారు. ప్రశాంత్ కుమార్, భావ్ సాగర్ అనే ఇద్దరు నిందితులను శనివారం అరెస్ట్ చేశారు. వారు వినియోగించిన రెండు కార్లను స్వాధీనం చేసుకున్నారు. ఆ సమయంలో కారులో ఉన్న మరి కొందరిని అరెస్ట్ చేసేందుకు పోలీసులు ప్రయత్నిస్తున్నారు. కాగా, ఈ వీడియో సోషల్ మీడియాలో వైరల్ అయ్యింది.
Two people were arrested for performing a dangerous stunt with their car outside a girls hostel in #GreaterNoida, officials said.@noidapolice pic.twitter.com/tF9cVF4a9A
— IANS (@ians_india) July 23, 2022