మధ్యతరగతి అనుబంధాలకు దర్పణం

శివాజీ, వాసుకి ఆనంద్‌సాయి ప్రధాన పాత్రల్లో నటిస్తున్న వెబ్‌సిరీస్‌ ‘90s’. ‘ఏ మిడిల్‌క్లాస్‌ బయోపిక్‌'. ఆదిత్యహాసన్‌ దర్శకుడు. ఎంఎన్‌ఓసీ పతాకంపై రాజశేఖర్‌ మేడారం నిర్మిస్తున్నారు. జనవరి 5 నుంచి ఓటీటీలో స్ట్రీమింగ్‌ కానుంది. శనివారం ట్రైలర్‌ను లాంచ్‌ చేశారు.

శివాజీ, వాసుకి ఆనంద్‌సాయి ప్రధాన పాత్రల్లో నటిస్తున్న వెబ్‌సిరీస్‌ ‘90s’. ‘ఏ మిడిల్‌క్లాస్‌ బయోపిక్‌’. ఆదిత్యహాసన్‌ దర్శకుడు. ఎంఎన్‌ఓసీ పతాకంపై రాజశేఖర్‌ మేడారం నిర్మిస్తున్నారు. జనవరి 5 నుంచి ఓటీటీలో స్ట్రీమింగ్‌ కానుంది. శనివారం ట్రైలర్‌ను లాంచ్‌ చేశారు. ఇందులో లెక్కల మాస్టర్‌ చంద్రశేఖర్‌ పాత్రలో శివాజీ కనిపించారు. మధ్యతరగతి కుటుంబాల ఆనందాలు, సరదాలను ఆవిష్కరిస్తూ అలనాటి అందమైన జ్ఞాపకాలతో ట్రైలర్‌ ఆకట్టుకుంది.

90వ దశకం నాటి పరిస్థితులను ప్రతిబింబించేలా సెట్స్‌ను తీర్చిదిద్దారు. కథ వినగానే బాగా నచ్చిందని, మధ్యతరగతి అనుబంధాలను చక్కగా ప్రజెంట్‌ చేసిందని హీరో శివాజీ అన్నారు. ఈ సిరీస్‌లోని ప్రతీ పాత్రతో ప్రేక్షకులు కనెక్ట్‌ అవుతారని వాసుకి పేర్కొంది. కుటుంబ అనుబంధాలకు దర్పణంలా ఆకట్టుకుంటుందని దర్శకుడు ఆదిత్య హాసన్‌ అన్నారు. ఈ సిరీస్‌కు కెమెరా: అజీమ్‌ మహ్మద్‌, సంగీతం: సురేష్‌ బొబ్బిలి, నిర్మాత: రాజశేఖర్‌ మేడారం.