Visit:
Waltair Veerayya | సినిమా వచ్చి పది రోజులైనా ఇంకా ‘వాల్తేరు వీరయ్య’ మత్తులోనే ఉన్నారు టాలీవుడ్‌ ప్రేక్షకులు. వింటేజ్‌ మెగాస్టార్‌ను చూసి అభిమానులు మురిసిపోతున్నారు. ఇన్నాళ్ళు ఎక్కడికెల్లావయ్యా బాబీ అంటూ దర్శకుడిపై ప్రశంసలు కురిపిస్తున్నారు. సంక్రాంతి కానుకగా రిలీజైన వాల్తేరు వీరయ్య మొదటి రోజు నుంచే కలెక్షన్ల వర్షం కురిపిస్తుంది. తొలి రోజే అనుకంటే రెండో రోజు కూడా భారీ కలెక్షన్‌లు రాబడుతూ అందరిని ఆశ్చర్యంలో పడేసింది. రీ ఎంట్రీ తర్వాత ఈ రేంజ్‌ కలెక్షన్‌లు ఏ సినిమా రాబట్టలేకపోయింది. ఇక చిరుకు రవన్న తోడవడంతో నిర్మాతలపై కాసుల వర్షం కురుస్తుంది. ఇప్పటికే బ్రేక్‌ ఈవెన్‌ పూర్తి చేసుకున్న ఈ చిత్రం నిర్మాలతకు లాభాలు తెచ్చిపెట్టే పనిలో ఉంది.
ఇదంత పక్కన పెడితే చిరంజీవి వాల్తేరు వీరయ్యతో సరికొత్త రికార్డు క్రియేట్‌ చేశాడు. వాల్తేరు వీరయ్య పదవ రోజు రూ.6.6 కోట్లు కలెక్ట్‌ చేసి నాన్‌-రాజమౌళి రికార్డు క్రియేట్‌ చేసింది. నిజానికి ఈ సినిమాకు మొదట డివైడ్‌ టాక్ వచ్చింది. కానీ టాక్‌తో సంబంధలేకుండా కలెక్షన్ల వేట కొనసాగిస్తుంది. యాక్షన్‌ ఎంటర్‌టైనర్‌గా తెరకెక్కిన ఈ సినిమాకు బాబీ దర్శకత్వం వహించాడు. చిరుకు జోడీగా శృతిహాసన్‌ నటించింది. ఇక రవితేజ పవర్‌ ఫుల్‌ పోలీస్ ఆఫీసర్‌గా సగం సినిమాను తన భుజాలపై వేసుకున్నాడు. మైత్రీ సంస్థ నిర్మించిన ఈ సినిమాకు దేవి శ్రీ ప్రసాద్‌ సంగీతం అందించాడు.
