సుర సుర సుర సుక్కలు తేరా సుట్టేద్దాం..

ప్రసిద్ధ దేవాలయాల్లో నిక్షిప్తమై ఉండే నేలమాళిగలు, వాటిలో దాగుండే నిధి నిక్షేపాలు, వాటి వెనుక రహస్యాలు, దైవ నిర్ణయాలు.. తదితర అంశాల మేళవింపుగా రూపొందుతున్న పానిండియా మైథలాజికల్‌ యాక్షన్‌ అడ్వెంచర్‌ ‘నాగబంధం’.

ప్రసిద్ధ దేవాలయాల్లో నిక్షిప్తమై ఉండే నేలమాళిగలు, వాటిలో దాగుండే నిధి నిక్షేపాలు, వాటి వెనుక రహస్యాలు, దైవ నిర్ణయాలు.. తదితర అంశాల మేళవింపుగా రూపొందుతున్న పానిండియా మైథలాజికల్‌ యాక్షన్‌ అడ్వెంచర్‌ ‘నాగబంధం’. విరాట్‌కర్ణ కథానాయకుడిగా అభిషేక్‌ నామా దర్శకత్వంలో రూపొందుతున్న ఈ చిత్రానికి కిశోర్‌ అన్నపురెడ్డి, నిషితా నాగిరెడ్డి నిర్మాతలు. నభా నటేష్‌, ఐశ్వర్యమీనన్‌ కథానాయికలు. జులై 3న సినిమా విడుదల కానున్నది.

ప్రమోషన్స్‌లో భాగంగా ఈ సినిమా నుంచి రెండో పాటను ఆదివారం మేకర్స్‌ విడుదల చేశారు. ‘సుర సుర సుర సుక్కలు తేరా సుట్టేద్దాం.. తర తర తర తోరణాలే కట్టేద్దాం’ అంటూ సాగే ఈ పాటను సంప్రదాయ పెళ్లి సంబరాల ఆనందం, ఉత్సాహాన్ని ప్రతిబింబించేలా భారీ సెట్స్‌, గ్రాండ్‌ విజువల్స్‌తో రూపొందించారు.

కాసర్ల శ్యామ్‌ రాసిన ఈ పాటను జునైద్‌ కుమార్‌, అభే స్వరపరచగా అనురాగ్‌ కులకర్ణి, కాలభైరవ, మంగ్లీ, సాహితి చాగంటి, కనకవ్వ, నల్గొండ గద్దర్‌ ఆలపించారు. గణేశ్‌ ఆచార్య కొరియోగ్రఫీ ఈ పాటకు ప్రత్యేక ఆకర్షణ అని మేకర్స్‌ చెబుతున్నారు. ఎన్‌ఐకే స్టూడియోస్‌, అభిషేక్‌ పిక్చర్స్‌ కలిసి ఈ చిత్రాన్ని నిర్మిస్తున్న విషయం తెలిసిందే.