Rajamouli | రాజమౌళి స్ఫూర్తితో సినిమా తీశాం.. తమిళ డైరెక్టర్‌ ఇంట్రెస్టింగ్‌ కామెంట్స్‌

దళపతి విజయ్‌ కథానాయకుడిగా నటిస్తున్న తాజా పాన్‌ ఇండియా చిత్రం ‘GOAT’ (గ్రేటెస్ట్‌ ఆఫ్‌ ఆల్‌టైమ్‌) ఈ నెల 5న ప్రపంచవ్యాప్తంగా విడుదలకు సిద్ధమవుతున్నది.

Rajamouli |  దళపతి విజయ్‌ కథానాయకుడిగా నటిస్తున్న తాజా పాన్‌ ఇండియా చిత్రం ‘GOAT’ (గ్రేటెస్ట్‌ ఆఫ్‌ ఆల్‌టైమ్‌) ఈ నెల 5న ప్రపంచవ్యాప్తంగా విడుదలకు సిద్ధమవుతున్నది. వెంకట్‌ప్రభు దర్శకత్వం వహించిన ఈ చిత్రాన్ని మైత్రీ మూవీ మేకర్స్‌ తెలుగులో విడుదల చేస్తున్నది. సోమవారం హైదరాబాద్‌లో ప్రీరిలీజ్‌ ఈవెంట్‌ను నిర్వహించారు.

దర్శకుడు వెంకట్‌ప్రభు మాట్లాడుతూ ‘నేను దర్శకుడు రాజమౌళిగారికి పెద్ద అభిమానిని. ఈ సినిమా చేయడానికి ఆయనే స్ఫూర్తినిచ్చారు. ఇదొక హోల్‌సమ్‌ ఎంటర్‌టైనర్‌. హీరో విజయ్‌ మునుపెన్నడూ చూడని కొత్త పంథాలో కనిపిస్తారు. మైత్రీ మూవీ మేకర్స్‌ తెలుగులో ఈ చిత్రాన్ని విడుదల చేయడం గొప్ప గౌరవంగా భావిస్తున్నాం’ అన్నారు.

‘పుష్ప’ వంటి పాన్‌ ఇండియా చిత్రాన్ని నిర్మించిన మైత్రీ మూవీ మేకర్స్‌తో కలిసి పనిచేయడం ఆనందంగా ఉందని తమిళ నిర్మాత అర్చన కల్పాతి పేర్కొన్నారు. అద్భుతమైన విజన్‌తో దర్శకుడు వెంకట్‌ప్రభు ఈ చిత్రాన్ని తీశాడని నటుడు ప్రశాంత్‌ అన్నారు. ఈ కార్యక్రమంలో కథానాయికలు మీనాక్షి చౌదరి, స్నేహ, సంగీత దర్శకుడు యువన్‌శంకర్‌ రాజా తదితరులు పాల్గొన్నారు.