Vijay Sethupathi Remuneration | ఒక వైపు స్టార్ హీరోగా కొనసాగుతూనే మరో వైపు క్యారెక్టర్ ఆర్టిస్టుగా, విలన్గా నటిస్తూ విలక్షన నటుడిగా ఇండస్ట్రీలో ప్రత్యేక గుర్తింపును సంపాదించికున్నాడు విజయ్ సేతుపతి. పాత్ర నచ్చితే నిడివి ఎంత అని ఆలోచించకుండా నటించే అతికొద్ది మంది నటులలో ఈయన ఒకడు. ఉప్పెన సినిమాతో తెలుగులో మంచి క్రేజ్ తెచ్చుకున్నాడు. ఈ చిత్రంలో ఈయన పండించిన విలనిజంకు ప్రేక్షకుల నుండి గొప్ప ప్రశంసలు దక్కాయి. ఇక ఇటీవలే విడుదలైన విక్రమ్లోనూ సంతానం పాత్రలో జీవించేశాడు. ప్రస్తుతం ఈయన షారుఖ్, అట్లీ కాంబోలో తెరకెక్కుతున్న జవాన్లో ప్రతినాయకుడి పాత్రలో నటిస్తున్నాడు. ఇప్పటికే విజయ్ షూట్లో కూడా పాల్గొన్నాడు. ఇదిలా ఉంటే ఈ చిత్రంలో విజయ్ సేతుపతి రెమ్యునరేషన్ గురించి సోషల్ మీడియాలో చర్చ జరుగుతుంది.
జవాన్ సినిమాలో విలన్ పాత్రలో నటించడానికి విజయ సేతుపతి భారీగా పారితోషికాన్ని అందుకుంటున్నట్లు టాక్. ఇప్పటివరకు విజయ్ సేతుపతి ప్రతి సినిమాకు రూ.15 కోట్ల వరకు రెమ్యునరేషన్ తీసుకుంటున్నాడట. అయితే జవాన్ చిత్రం కోసం ఏకంగా రూ.21 కోట్ల రెమ్యునరేషన్ తీసుకుంటున్నట్లు కోలీవుడ్ వర్గాల సమాచారం. ఇదే నిజమైతే ఇండియాలోనే హైయెస్ట్ పేయిడ్ విలన్గా విజయ్ సేతుపతి అరుదైన ఘనతను సాధించినట్టే. ప్రస్తుతం శరవేగంగా షూటింగ్ జరుపుకుంటున్న ఈ చిత్రం వచ్చే ఏడాది జూన్లో విడుదల కానుంది. ఈ చిత్రంలో షారుఖ్ డ్యూయల్ రోల్లో నటిస్తున్నాడు. నయనతార హీరోయిన్గా నటిస్తుంది. విజయ్ సేతుపతి ఈ చిత్రంలో భాగమవడంతో సినిమాపై అంచనాలు అమాంతం పెరిగాయి.