ఓటీటీలో విజయ్ సేతుపతి సినిమా.. సెప్టెంబ‌ర్ 17న విడుద‌ల‌

విజయ్ సేతుపతి, తాప్సీ జంటగా ప్యాషన్ స్టూడియోస్ 8 బ్యానర్ పై సుధాన్ సుందరం, జి జయరాం నిర్మిస్తున్న 'అనబెల్ & సేతుపతి' సినిమాను కూడా ఓటీటీలో విడుదల చేస్తున్నారు.

థియేటర్స్ ఓపెన్ అయిన తర్వాత కూడా ఇప్ప‌టికీ పెద్ద సినిమాలు ఓటీటీ బాట పడుతున్నాయి. తెలుగులోనే కాదు తమిళంలో కూడా నిర్మాతలు పెద్ద సినిమాలను డిజిటల్ మీడియా వేదికగా విడుదల చేస్తున్నారు. తాజాగా మక్కల్ సెల్వన్ విజయ్ సేతుపతి, తాప్సీ జంటగా ప్యాషన్ స్టూడియోస్ 8 బ్యానర్ పై సుధాన్ సుందరం, జి జయరాం నిర్మిస్తున్న ‘అనబెల్ & సేతుపతి’ సినిమాను కూడా ఓటీటీలో విడుదల చేస్తున్నారు. దీపక్ సుందరరాజన్ ఈ సినిమాకు దర్శకుడు. తాజాగా ఈ సినిమా రిలీజ్ పోస్టర్‌ను విడుదల చేశారు దర్శక నిర్మాతలు.

సెప్టెంబర్ 17న డిస్నీ హాట్ స్టార్‌లో నేరుగా విడుదల కానుంది ‘అనబెల్ & సేతుపతి’ సినిమా ఫస్ట్ లుక్ పోస్టర్‌లో విజయ్ సేతుపతి, తాప్సీ మొహాల‌ను బాగా హైలెట్ చేశారు. వెనకాల బంగ్లా ఒకటి బాగా ఫోకస్ చేశారు. పోస్టర్‌ను రివ‌ర్స్ చేసి చూస్తే సినిమాలో న‌టించిన మిగిలిన న‌టీన‌టులు క‌నిపిస్తున్నారు. పోస్ట‌ర్‌లో హార‌ర్ థ్రిల్ల‌ర్ అంశాలు పుష్క‌లంగా ఉన్న‌ట్టు తెలుస్తోంది. ఈ సినిమా కచ్చితంగా ప్రేక్షకులను అలరిస్తుందని నమ్మకంగా చెబుతున్నారు దర్శక నిర్మాతలు.

ఇదిలా ఉంటే సెప్టెంబర్ 9న మరో సినిమాతో వస్తున్నాడు విజయ్ సేతుపతి. స్వీయ నిర్మాణంలో రూపొందించిన లాభం సినిమా థియేటర్లలో సెప్టెంబర్ 9న విడుదల కానుంది. ఈ సినిమా వచ్చిన సరిగ్గా వారం రోజుల తర్వాత మరో సినిమాతో ఓటీటీలో దర్శనమిస్తున్నాడు విజయ్ సేతుపతి. అలా రెండు వారాల్లో రెండు సినిమాలతో వస్తున్నాడు ఈ హీరో.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవి కూడా చదవండి..

Lady villains in Tollywood |గ్లామ‌ర్‌తోనే కాదు.. విల‌నిజంతోనూ మెప్పించిన అందాల బొమ్మ‌లు !

ఏఎన్నార్ ను ముట్టుకుంటే చ‌ర్మం ఊడిపోయేది.. కాదంబ‌రి కిర‌ణ్‌ సంచ‌ల‌న వ్యాఖ్య‌లు

Boyapati Sreenu | కేజీఎఫ్ హీరోకు బోయ‌పాటి క‌థ వినిపించాడా..?

స్నేహితుల‌తో బిజినెస్ మొద‌లు పెట్టిన కీర్తి సురేష్‌

దిశా పటానీ బీచ్‌వాక్‌.. ఇన్‌స్టాలో కొత్త వీడియో