Venkatesh | లవ్లీ హస్బెండ్‌ ప్రేమాట.. ఐశ్వర్య రాజేష్‌తో వెంకటేశ్‌ మెలొడి సాంగ్‌

వెంకటేశ్‌ ఫ్యామిలీ సినిమా చేస్తే హిట్‌ పక్కా. కాస్త విరామం తర్వాత ఆయన లవ్లీ హస్బెండ్‌గా కనిపించనున్నారు. అపజయం ఎరుగని అనిల్‌ రావిపూడి దర్శకత్వంలో ప్రతిష్టాత్మక శ్రీవెంకటేశ్వర క్రియేషన్స్‌ పతాకంపై దిల్‌ రాజు సమర్పణలో, శిరీష్‌ ఈ సినిమాని నిర్మిస్తున్నారు.

Venkatesh | వెంకటేశ్‌ ఫ్యామిలీ సినిమా చేస్తే హిట్‌ పక్కా. కాస్త విరామం తర్వాత ఆయన లవ్లీ హస్బెండ్‌గా కనిపించనున్నారు. అపజయం ఎరుగని అనిల్‌ రావిపూడి దర్శకత్వంలో ప్రతిష్టాత్మక శ్రీవెంకటేశ్వర క్రియేషన్స్‌ పతాకంపై దిల్‌ రాజు సమర్పణలో, శిరీష్‌ ఈ సినిమాని నిర్మిస్తున్నారు. ఈ చిత్రం తాజా షెడ్యూల్‌ ప్రస్తుతం పొల్లాచ్చిలో జరుగుతున్నది.

అక్కడి అందమైన ప్రదేశాల్లో వెంకటేశ్‌, ఐశ్వర్య రాజేష్‌లపై బ్యూటిఫుల్‌ మెలొడి సాంగ్‌ని దర్శకుడు అనిల్‌ రావిపూడి చిత్రీకరిస్తున్నారు. భాస్కరభట్ల రాసిన ఈ పాటను భీమ్స్‌ సిసిరోలియో స్వరపరిచారు. భార్యాభర్తల ప్రేమను తెలిపే ఉత్తమమైన పాటల్లో ఇది ఒకటిగా నిలుస్తుందని, సంగీతం, సాహిత్యంతోపాటు కొరియోగ్రాఫర్‌ భాను మాస్టర్‌ లవ్లీ డాన్స్‌ మూమెంట్స్‌ ఈ పాటకు హైలైట్‌గా నిలుస్తాయని మేకర్స్‌ చెబుతున్నారు.

వెంకటేశ్‌ మాజీ పోలీసు అధికారిగా నటిస్తున్న ఈ చిత్రంలో ఆయన భార్యగా ఐశ్వర్య రాజేష్‌, మాజీ ప్రేయసిగా మీనాక్షి చౌదరి కనిపించనున్నారు. ఉపేంద్ర లిమాయే, రాజేంద్రప్రసాద్‌, సాయికుమార్‌, నరేశ్‌, తదితరులు ఇతర పాత్రలు పోషిస్తున్న ఈ చిత్రానికి కెమెరా: సమీర్‌రెడ్డి.