Varasudu Movie Second Single | కోలీవుడ్కు సమానంగా టాలీవుడ్లోనూ మంచి గుర్తింపు తెచ్చుకున్నాడు దళపతి విజయ్. ‘తుపాకి’ నుండి ‘బీస్ట్’ వరకు ఈయన నటించిన ప్రతీ సినిమా తమిళంతో పాటు తెలుగులోనూ ఏకకాలంలో రిలీజవుతూ వస్తున్నాయి. ఇక ఈ సారి నేరుగా తెలుగు సినిమాతోనే టాలీవుడ్ ప్రేక్షకులను పలకరించడానికి సిద్ధమయ్యాడు. ఈయన ప్రధాన పాత్రలో నటిస్తున్న లేటెస్ట్ చిత్రం వారసుడు. తమిళంలో వారిసు పేరుతో తెరకెక్కుతుంది. వంశీ పైడిపల్లి దర్శకత్వం వహించిన ఈ చిత్రం షూటింగ్ పూర్తి చేసుకుని పోస్ట్ ప్రొడక్షన్ పనులలో బిజీగా ఉంది. ఈ చిత్రాన్ని సంక్రాంతి కానుకగా రిలీజ్ చేయాలని మేకర్స్ సన్నాహాలు చేస్తున్నారు. ఈ క్రమంలో వరుస అప్డేట్లు ప్రకటిస్తూ సినిమాపై ఆసక్తిని పెంచుతున్నారు.
తాజాగా మేకర్స్ మరో క్రేజీ అప్డేట్ను ప్రకటించారు. ఈ సినిమాలోని సెకండ్ సింగిల్ను డిసెంబర్ 4 సాయంత్రం 4గంటలకు రిలీజ్ చేయనున్నట్లు చిత్రబృందం వెల్లడించింది. అయితే సెకండ్ సింగిల్ కూడా ముందుగా తమిళంలోనే రిలీజ్ కానుంది. ఇప్పటికే రిలీజైన ‘రంజితమే’ సాంగ్ ప్రేక్షకులను విపరీతంగా ఆకట్టుకుంది. ఇప్పటి వరకు ఈ పాటకు 78మిలియన్లకు పైగా వ్యూస్ వచ్చాయి. ఇటీవలే ఈ పాట తెలుగు వెర్షన్ కూడా రిలీజైంది.
ఫ్యామిలీ యాక్షన్ ఎంటర్టైనర్గా తెరకెక్కిన ఈ చిత్రాన్ని శ్రీ వెంకటేశ్వర క్రియేషన్స్ పతాకంపై దిల్ రాజు, శిరీష్, నిర్మిస్తున్నారు. ద్విభాషా సినిమాగా రూపొందిన ఈ సినిమాలో విజయ్కు జోడీగా రష్మిక మందన్నా నటిస్తుంది. థమన్ సంగీతం అందిస్తున్నాడు. ఇప్పటికే ఈ సినిమాకు భారీ స్థాయిలో బిజినెస్ జరిగిందని సమాచారం.
#VarisuSecondSingle – #TheeThalapathy 🔥
THE BOSS is all set to arrive on Dec 4th at 4PM 💥#Thalapathy @actorvijay sir @directorvamshi @iamRashmika @MusicThaman @Lyricist_Vivek @TSeries #BhushanKumar #KrishanKumar #ShivChanana #Varisu #VarisuPongal#30YearsOfVijayism pic.twitter.com/bpZIjNRLq4— Sri Venkateswara Creations (@SVC_official) December 2, 2022