మాతృత్వం తప్పనిసరి కాదు!

పెళ్లయిన ప్రతి జంటకు పిల్లలు ఉండాలనే నియమం ఏమీ లేదని కథానాయిక వరలక్ష్మి శరత్‌కుమార్‌ స్పష్టం చేసింది. తనకు పిల్లలు వద్దని నిర్ణయించుకున్నానని పేర్కొంది. ముంబయికి చెందిన వ్యాపారవేత్త, ఆర్ట్‌ గ్యాలరిస్ట్‌ నికోలాయ్‌ సచ్‌దేవ్‌ను 2024లో వివాహమాడింది వరలక్ష్మి శరత్‌కుమార్‌.

పెళ్లయిన ప్రతి జంటకు పిల్లలు ఉండాలనే నియమం ఏమీ లేదని కథానాయిక వరలక్ష్మి శరత్‌కుమార్‌ స్పష్టం చేసింది. తనకు పిల్లలు వద్దని నిర్ణయించుకున్నానని పేర్కొంది. ముంబయికి చెందిన వ్యాపారవేత్త, ఆర్ట్‌ గ్యాలరిస్ట్‌ నికోలాయ్‌ సచ్‌దేవ్‌ను 2024లో వివాహమాడింది వరలక్ష్మి శరత్‌కుమార్‌. తాజాగా తన నిర్ణయం వెనకున్న కారణాలను ఆమె ఓ ఇంటర్వ్యూలో వివరించింది. ఆమె మాట్లాడుతూ ‘ పిల్లలు పుట్టరని కాదు.. పిల్లలు నాకు కావాలనిపించడం లేదు.

నా భర్త కూడా ఈ విషయంలో నా అభిప్రాయాన్ని గౌరవిస్తున్నారు. తల్లిదండ్రులుగా మారడం ఎంతో బాధ్యతతో కూడుకున్న విషయం. పిల్లల్ని పెంచడానికి ఆర్థికంగా బాగుంటే సరిపోదు. వారికి తగినంత సమయాన్ని కేటాయించడంతో పాటు ఓర్పు ఉండాలి. అన్నింటికంటే ముఖ్యంగా భావోద్వేగపరమైన సంకల్పం అవసరం’ అని చెప్పుకొచ్చింది. తన భర్త నికోలాయ్‌ సచ్‌దేవ్‌కు తొలి వివాహం ద్వారా ఓ కుమార్తె ఉందని, ఆమెను తన సొంత కుమార్తెగానే భావిస్తానని వరలక్ష్మి శరత్‌కుమార్‌ పేర్కొంది.