Ugram Movie Songs | చాలా కాలం తర్వాత ‘నాంది’తో అల్లరి నరేష్ మంచి కంబ్యాక్ ఇచ్చాడు. కంబ్యాక్ ఇవ్వడమే కాదు తనలోని కొత్త నటుడుని పరిచయం చేశాడు. ఈ సినిమాతో నరేష్కు కమర్షియల్గానూ మంచి బ్రేక్ దొరికింది. ముఖ్యంగా మార్కెట్ పెరిగింది. ఇక విజయ్ కనకమేడల దర్శకుడిగా తొలి అడుగులోనే తిరుగులేని విజయం సాధించాడు. ఈ సినిమా సక్సెస్తో మరోసారి వీరిద్దరూ ఉగ్రం అనే థ్రిల్లర్ సినిమా కోసం చేతులు కలిపారు. యాక్షన్ థ్రిల్లర్ నేపథ్యంలో తెరకెక్కిన ఈ సినిమా మే 5న ప్రేక్షకుల ముందుకు రానుంది. ఈ క్రమంలో చిత్రబృందం వరుస అప్డేట్లు ప్రకటిస్తూ సినిమాపై మంచి హైప్ క్రియేట్ చేస్తున్నారు.
తాజాగా మేకర్స్ ఈ సినిమా టైటిల్ సాంగ్ను రిలీజ్ చేశారు. ఉగ్రం ఉగ్రం అంటూ సాగే ఈ పాట వింటుంటే రోమాలు నిక్కబొరుచుకుంటున్నాయి. శ్రీచరణ్ పాకాల ట్యూన్ వేరే లెవల్లో ఉంది. అంతే స్థాయిలో పాటను కూడా తనే స్వయంగా ఆలపించాడు. చైతన్య ప్రసాద్ సాహిత్యం ఆకట్టుకుంటుంది. క్రైమ్ థ్రిల్లర్ నేపథ్యంలో తెరకెక్కిన ఈ సినిమాపై ప్రేక్షకుల్లో ఎక్కడలేని అంచనాలు నెలకొన్నాయి. టీజర్, ట్రైలర్లను చూస్తుంటే నాందికి మించిన బ్లాక్బస్టర్ అయ్యేలా కనిపిస్తుంది. షైన్ స్క్రీన్ పతాకంపై సాహు గారపాటి, హరీష్ పెద్ది ఈ సినిమా నిర్మిస్తున్నారు. నరేష్కు జోడీగా మిర్నా మీనన్ నటిస్తుంది. శ్రీచరణ్ పాకాలా సంగీతం అందించిన ఈ సినిమాకు అబ్బూరి రవి మాటలు రాశాడు.