ఉదయభాను ప్రత్యేకగీతం

సత్యరాజ్‌ ప్రధాన పాత్రలో తెరకెక్కిన చిత్రం ‘త్రిబాణధారి బార్బరిక్‌'. మారుతి సమర్పణలో వానర సెల్యులాయిడ్‌ పతాకంపై విజయ్‌పాల్‌ రెడ్డి నిర్మిస్తున్నారు.

సత్యరాజ్‌ ప్రధాన పాత్రలో తెరకెక్కిన చిత్రం ‘త్రిబాణధారి బార్బరిక్‌’. మారుతి సమర్పణలో వానర సెల్యులాయిడ్‌ పతాకంపై విజయ్‌పాల్‌ రెడ్డి నిర్మిస్తున్నారు. మోహన్‌శ్రీవత్స దర్శకుడు. ఈ సినిమాలో ‘ఇస్కితడి ఉస్కితడి’ అంటూ సాగే ఐటెంసాంగ్‌ను ఇటీవల విడుదల చేశారు. ఇందులో ఉదయభాను నర్తించింది. రాహుల్‌ సిప్లిగంజ్‌ పాడిన ఈ పాటకు ఇంఫ్యూజన్‌ బ్యాండ్‌ సంగీతాన్నందించింది. హుషారైన బీట్‌తో ఈ పాట ఆకట్టుకునేలా ఉంది.

ఓ పౌరాణిక పాత్ర నేటికాలంలోకి వస్తే ఏం జరిగిందన్నదే చిత్ర కథాంశమని, ఆద్యంతం ఆసక్తికరంగా సాగుతుందని, త్వరలో విడుదల తేదీని ప్రకటిస్తామని చిత్రబృందం పేర్కొంది. సత్యంరాజేష్‌, వశిష్ట ఎన్‌ సింహ, సాంచి రాయ్‌ తదితరులు నటిస్తున్న ఈ చిత్రానికి సమర్పణ: మారుతి టీమ్‌ ప్రొడక్ట్‌, రచన-దర్శకత్వం: మోహన్‌శ్రీవత్స.