Nadigar Thilakam | చిక్కుల్లో టోవినో థామస్ ‘నడిగర్‌ తిలకం’.. టైటిల్ మార్చాలంటూ ఫ్యాన్స్ డిమాండ్

Nadigar Thilakam | మిన్నల్‌ మురళీ (Minnal Murali) సినిమాతో తెలుగులో మంచి పాపులారిటీ సంపాదించాడు మలయాళ నటుడు టోవినో థామస్‌ (Tovino Thomas). అప్పటి నుండి ఆయన సినిమాలను తెలుగు ప్రేక్షకులు విపరీతంగా ఆధరిస్తున్నారు.

Nadigar Thilakam | మిన్నల్‌ మురళీ (Minnal Murali) సినిమాతో తెలుగులో మంచి పాపులారిటీ సంపాదించాడు మలయాళ నటుడు టోవినో థామస్‌ (Tovino Thomas). అప్పటి నుండి ఆయన సినిమాలను తెలుగు ప్రేక్షకులు విపరీతంగా ఆధరిస్తున్నారు. ఇటీవలే రిలీజైన 2018 సినిమా కూడా తెలుగులో భీభత్సమైన కలెక్షన్‌లు సాధించి.. టోవినో థామస్‌కు మంచి మార్కెట్‌కు తెచ్చిపెట్టింది. ఇదిలా ఉంటే.. టోవినో థామస్‌ న‌టిస్తున్న తాజా చిత్రం ‘నడిగర్‌ తిలకం’ (Nadigar Thilakam). ‘డ్రైవింగ్‌ లైసెన్స్‌’ ఫేమ్ జీన్ పాల్ లాల్(Jean Paul Lal) దర్శకత్వంలో ఈ సినిమా తెరకెక్కుతుంది. సౌబిన్ షాహిర్(Shoubin Shaeer) క‌థ‌నాయిక‌గా న‌టిస్తుంది. అయితే తాజాగా ఈ సినిమా వివాదంలో చిక్కుకుంది.

దివంగత త‌మిళ‌ నటుడు శివాజీ గణేషన్‌ అభిమానుల సంఘం ఈ సినిమా టైటిల్‌ని మార్చాలని చిత్ర బృందాన్ని డిమాండ్‌ చేస్తుంది. త‌మిళ సినీ నటుడు, నిర్మాత శివాజీ గణేశన్‌(Shivaji Ganeshan)ను ‘నడికర్ తిలకం'(Nadigar Thilagam) అని కూడా పిలుస్తారు. అయితే సినిమా టైటిల్‌ను ‘నడిగర్‌ తిలకం’ (Nadigar Thilakam) అని పెట్ట‌డం వ‌ల‌న శివాజీ గణేషన్ అభిమానులు టైటిల్ మార్చాల‌ని డిమాండ్ చేస్తున్నారు. నడికర్ తిలకం అనేది శివాజీ గణేషన్ బయోపిక్ సినిమాకు మాత్ర‌మే పెట్టాలని మిగతా ఏ సినిమాలకు ఈ టైటిల్ వాడొద్దంటూ శివాజీ గణేషన్ అభిమానుల ఆగ్రహాం వ్య‌క్తం చేస్తున్నారు. కాగా దీనిపై చిత్రబృందం ఎటువంటి ప్ర‌క‌ట‌న చేయ‌లేదు. ఇక ఈ సినిమాలో సూపర్ స్టార్ డేవిడ్ పడిక్కల్ పాత్రలో టోవినో థామస్ కనిపించనున్నారు. దాదాపు రూ. 40 కోట్ల బడ్జెట్‌తో ఈ సినిమా తెర‌కెక్కుతుంది.