Thunivu Movie | తునివు సినిమాతో అరుదైన రికార్డు సాధించిన అజిత్‌..!

చాలా కాలం తర్వాత అజిత్‌ 'తునివు' సినిమాతో మంచి కంబ్యాక్‌ ఇచ్చాడు. నువ్వా నేనా అంటూ విజయ్‌తో సాగిన పోరులో అజిత్ తొలి విన్నర్‌గా నిలిచాడు. హెచ్‌. వినోద్‌ దర్శకత్వం వహించిన ఈ సినిమా జనవరి 11న రిలీజై మిక్స్డ్ టాక్‌ తెచ్చుకుంది

Ajith Kumar | చాలా కాలం తర్వాత అజిత్‌ ‘తునివు’ సినిమాతో మంచి కంబ్యాక్‌ ఇచ్చాడు. నువ్వా నేనా అంటూ విజయ్‌తో సాగిన పోరులో అజిత్ తొలి విన్నర్‌గా నిలిచాడు. హెచ్‌. వినోద్‌ దర్శకత్వం వహించిన ఈ సినిమా జనవరి 11న రిలీజై మిక్స్డ్ టాక్‌ తెచ్చుకుంది. కానీ కలెక్షన్‌లలో మాత్రం జోరు చూపించింది. రిలీజ్‌కు ముందు చేసిన హడావిడితో ఈ సినిమాకు మంచి హైప్‌ వచ్చింది. దాంతో ఓపెనింగ్స్ అదిరిపోయే రేంజ్‌లో వచ్చాయి. పోటీగా తనకంటే అధిక మార్కెట్‌ కలిగిన విజయ్‌ ఉన్నా.. ఆయన కంటే ఎక్కువ ఓపెనింగ్స్‌ రాబట్టింది. టాక్‌తో సంబంధంలేకుండా రోజు రోజుకు ఈ సినిమా కలెక్షన్‌లు పెరుగుతూనే వచ్చాయి. కాగా అజిత్‌ తమిళ బాక్సాఫీస్‌పై సరికొత్త రికార్డు నెలకొల్పాడు.

ఇప్పటికీ ఈ మూవీ తమిళంలో పర్వాలేదనిపించే కలెక్షన్‌లతో నెట్టుకొస్తుంది. కాగా తాజాగా ఈ సినిమా రూ.250 కోట్ల కలెక్షన్‌లు సాధించి అజిత్‌ కెరీర్‌లో అత్యధిక కలెక్షన్‌లు సాధించిన సినిమాగా సరికొత్త రికార్డు క్రియేట్‌ చేసింది. డివైడ్‌ టాక్‌తో అజిత్‌ ఈ రేంజ్‌లో కలెక్షన్‌లు సాధించడాడంటే ఆయన క్రేజ్‌ తమిళ్‌లో ఏ స్థాయిలో ఉందో తెలుస్తుంది. అయితే తెలుగులో మాత్రం ఈ సినిమా బ్రేక్ ఈవెన్‌ పూర్తి చేసుకోకుండానే థియేటర్‌లలో నుండి వెళ్లిపోయింది. అజిత్‌ గత సినిమాలతో పోల్చితే తునివు సినిమాకు తెలుగులో ఎక్కువే బిజినెస్‌ జరిగింది. దాదాపు మూడు కోట్ల బిజినెస్‌ జరుపుకున్న ఈ చిత్రం రెండు కోట్ల రేంజ్‌లో కలెక్షన్లు సాధించి యావరేజ్‌ హిట్‌గా నిలిచింది. అయితే ఓవరల్‌గా మాత్రం ప్రాఫిట్‌ జోన్‌లోకి వెళ్లి బ్లాక్‌బస్టర్‌ విజయాన్ని నమోదు చేసింది. ఇక మరో రెండు రోజుల్లో ఫిబ్రవరి 8 నుండి ఈ సినిమా నెట్‌ఫ్లిక్స్‌లో స్ట్రీమింగ్‌ కానుంది.

#AK 's #Thunivu has grossed more than
₹ 250 Crs+ at the WW Box office.. 🔥 #AK 's Highest Grosser..

— Ramesh Bala (@rameshlaus) February 6, 2023