Thunivu First Single | కోలీవుడ్కు సమానంగా టాలీవుడ్లో క్రేజ్ తెచ్చుకున్న నటులలో అజిత్ ఒకడు. ‘వాలి’, ‘ప్రియురాలు పిలిచింది’, ‘గ్యాంబ్లర్’ వంటి సినిమాలతో తెలుగులోనూ మంచి మార్కెట్ ఏర్పరుచుకున్నాడు. ఈ ఏడాది ‘వలిమై’తో మంచి విజయం సాధించిన అజిత్.. ప్రస్తుతం అదే జోష్తో తునివు పోస్ట్ ప్రొడక్షన్ పనులను పూర్తిచేస్తున్నాడు. హెచ్. వినోద్ దర్శకత్వం వహిస్తున్న ఈ చిత్రంపై ప్రేక్షకులలో భారీ అంచనాలున్నాయి. ఇప్పటికే రిలీజైన పోస్టర్లకు విశేష స్పందన వచ్చింది. ఈ చిత్రాన్ని వచ్చే ఏడాది సంక్రాంతి కానుకగా విడుదల చేయనున్నట్లు ఇటీవలే చిత్రబృందం తెలిపింది. రిలీజ్ డేట్ దగ్గర పడుతుండటంతో మేకర్స్ వరుసగా అప్డేట్స్ ఇస్తున్నారు. తాజాగా మరో అప్డేట్ ప్రకటించారు.
ఈ మూవీ ఫస్ట్ సింగిల్ నెక్స్ట్ వీక్ రిలీజ్ కాబోతున్నట్లు తెలుస్తుంది. త్వరలోనే దీనిపై అధికారిక ప్రకటన రానుంది. అవుట్ అండ్ అవుట్ యాక్షన్ ఎంటర్టైనర్గా తెరకెక్కుతున్న ఈ చిత్రాన్ని జీ-స్టూడీయోస్తో కలిసి బోనీకపూర్ సంయుక్తంగా నిర్మిస్తున్నాడు. జిబ్రాన్ సంగీతం అందిస్తున్నాడు. ఇటీవలే అజిత్ ఈ సినిమాకు సంబంధించిన డబ్బింగ్ పనులను పూర్తి చేసుకున్నాడు. ఈ చిత్రం సంక్రాంతికి భారీ స్థాయిలో రిలీజ్ కానుంది. కాగా తెలుగులో రిలీజ్ అవుతుందో లేదో ఇంకా ఎలాంటి క్లారిటీ లేదు. ఇక ఇప్పటికే అజిత్-హెచ్. వినోద్ కాంబోలో వచ్చిన ‘నేర్కొండ పర్వాయ్’, ‘వలిమై’ చిత్రాలు భారీ విజయాలు సాధించాయి. ఇక ‘తునివు’ చిత్రం కూడా బ్లాక్ బస్టర్ విజయం సాధిస్తుందని మేకర్స్ ధీమాగా ఉన్నారు.