Thimmarajupalli TV | కిరణ్ అబ్బవరం నిర్మాణంలో ‘తిమ్మ‌రాజుప‌ల్లి టీవీ’.. ఫస్ట్ సింగిల్ విడుదల!

Thimmarajupalli TV | టాలీవుడ్ యంగ్ హీరో కిరణ్ అబ్బవరం నటుడిగానే కాకుండా నిర్మాతగా కూడా చలనచిత్ర పరిశ్రమలో తనదైన ముద్ర వేసుకుంటున్నారు.

Thimmarajupalli TV | టాలీవుడ్ యంగ్ హీరో కిరణ్ అబ్బవరం నటుడిగానే కాకుండా నిర్మాతగా కూడా చలనచిత్ర పరిశ్రమలో తనదైన ముద్ర వేసుకుంటున్నారు. ఆయన తన KA ప్రొడక్షన్స్ బ్యానర్‌పై సుమైరా స్టూడియోస్‌తో కలిసి నిర్మిస్తున్న తొలి చిత్రం ‘తిమ్మ‌రాజుప‌ల్లి టీవీ’ (Thimmarajupalli TV). ఈ సినిమా ప్రమోషన్లలో భాగంగా, మేకర్స్ తాజాగా ఈ చిత్రం నుండి మొదటి పాటను విడుదల చేశారు. చిన్ని చిన్ని గుండెలోన చానా ప్రేమే దాచినా అంటూ వ‌చ్చిన ఈ ఫ‌స్ట్ సింగిల్ శ‌నివారం రాత్రి విడుద‌లైంది.

ఈ పాట ఒక గ్రామీణ నేపథ్యంలో, మనసుకు హత్తుకునే రొమాంటిక్ ట్రాక్‌గా ఉంది. ఇది అచ్చమైన పల్లె వాతావరణాన్ని, స్వచ్ఛమైన ప్రేమను ప్రతిబింబిస్తుంది. ఈ పాట‌కు సానారే సాహిత్యం అందించ‌గా.. హరిణి ఇవటూరి, పవన్ కళ్యాణ్ క‌లిసి పాడారు. వంశీకాంత్ రేఖాన సంగీతం అందించాడు. ఈ పల్లెటూరి నేపథ్య ప్రేమ కథా చిత్రంలో సాయి తేజ్, వేద్ జలంధర్ ప్రధాన పాత్రల్లో నటిస్తున్నారు. ఈ చిత్రానికి వి. మునిరాజు దర్శకత్వం వహించారు. ‘చిన్ని చిన్ని గుండెలోన’ పాట ఇప్పటికే ప్రేక్షకుల్లో చక్కటి ఫీల్‌ను పంచుతూ సినిమాపై ఆసక్తిని పెంచింది. త్వరలోనే ఈ సినిమా థియేటర్లలో విడుదల కానుంది.